សារព័ត៌មាន នគរវត្ត តែងតែនាំមុខគេជានិច្ច
ខេត្ដឧត្ដរមានជ័យ៖ ព្រះសង្ឃពីរអង្គ បាននិមន្ដឆ្លងដែនខុសច្បាប់ ត្រូវវានសមត្ថកិច្ចថៃចាប់បញ្ជូនមកកម្ពុជា នៅ ថ្ងៃពុធ ថ្ងៃទី១១ ខែធ្នូ ឆ្នាំ២០១៩ តាមច្រកទ្វាជប់គគី ។
សមត្ថកិច្ចបានបញ្ជាក់ថា ទី១៖ ព្រះនាម សេង ឡាង ព្រះជន្ម ២៨វស្សា គង់នៅវត្តស្រែព្រីង ឃុំដំណាក់សុក្រំ ស្រុកឈូកខេត្ដកំពត ។ ទី២៖ព្រះនាម យាវ ទី ព្រជន្ម២៨វស្សា គង់នៅវត្ថជាមួយគ្នា ។
សមត្ថកិច្ចប្រចាំច្រកទ្វាជប់គគី បានឲ្យដឹងថា៖ សមត្ថកិច្ចថៃប្រចាំច្រកសៃតាគូ បានបញ្ជូនព្រះសង្ឃខ្មែរចំនួន ០២អង្គ តាមច្រកព្រំដែនជប់គគីរ ពីបទបានឆ្លងដែនខុសច្បាប់ ដែលបានឆ្លងដែនខុសច្បាប់ចូលទឹកដីថៃ កាលពីថ្ងៃទី១ ខែធ្នូ ឆ្នាំ២០១៩ តាមច្រកទ្វាអន្តរជាតិប៉ោយប៉ែត ខេត្តបន្ទាយមានជ័យ ។ ដោយមានគោលបំណង ទៅគង់នៅវត្ដណងម៉ូង ស្រុកប្រាក់ឃុនឆៃ ខេត្តបុរីរ៉ាំ ក៏ត្រូវបានសមត្ថកិច្ចថៃចាប់បញ្ជូនមកវិញ និងឲ្យនិមន្ដវិលត្រឡប់ទៅគង់នៅវត្ដដែលព្រះសង្ឃខាងលើធ្លាប់គង់នៅ ៕ ប៉ែន នួន
