បុរសម្នាក់បើកម៉ូតូលឿនជ្រុលបុកខឿនចែកទ្រូងផ្លូវផ្លោងបោកក្បាលនឹងថ្នល់បាក់ កស្លាប់នៅនឹងកន្លែង

ភ្នំពេញ ៖ បុរសម្នាក់បើកម៉ូតូធន់ធំលឿនដល់ផ្លូវកោងកាច់ចង្កូតមិនទាន់ជ្រុលទៅបុកខឿនចែកទ្រូងផ្លូវផ្លោងម៉ូតូ និងមនុស្សទៅផ្លូវម្ខាងទៀតបោក និងថ្នល់បាក់ ក ស្លាប់នៅនឹងកន្លែងកើតហេតុ ។

ហេតុការណ៍នេះកើតឡើងកាលពីម៉ោង ៩ និង ៣០ នាទីយប់ ថ្ងៃទី ២៥ ខែធ្នូ ឆ្នាំ ២០១៩ ស្ថិតនៅតាមបណ្ដោយផ្លូវR៥ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

សពជនរងគ្រោះមានឈ្មោះ សោម ចន្ទថា អាយុ៣៦ឆ្នាំ មានស្រុកកំណើត ឃុំក្រញូង ស្រុករមាសហែក ខេត្តស្វាយរៀង ។

ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុឃើញបុរសម្នាក់បើកម៉ូតូធន់ធំមួយគ្រឿងម៉ាក CBR ពណ៌ខ្មៅ ពាក់ស្លាកលេខ ភ្នំពេញ1GF-5382 ធ្វើដំណើរតាមបណ្តោយផ្លូវលេខR៥ ក្នុងទិសដៅពីលិចទៅកើតយ៉ាងលឿន ខណៈមកដល់ចំណុចកើតហេតកាច់ចង្កូតមិនទាន់ជ្រុលទៅបុកខឿនចែកទ្រូងផ្លូវបណ្ដាលឲ្យផ្លោងម៉ូតូ និងមនុស្សទៅផ្លូវម្ខាងទៀតបោកនឹងថ្នល់បាក់កស្លាប់នៅនឹងកន្លែងកើតហេតុ ។

បន្ទាប់ពីកើតហេតុសមត្ថកិច្ចមូលដ្ឋាន និងជំនាញបានចុះមកដល់កន្លែងកើតហេតុយកម៉ូតូទៅរក្សាទុកបណ្ដោះអាសន្នទុករង់ចាំប្រគល់ជូនសាច់ញាតិវិញ ។ ចំណែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅធ្វើបុណ្យតាមប្រពៃណីនៅឯស្រុកកំណើត៕ជ្រោយពេជ្រ