សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់ បានធ្វើសកម្មភាពកាច់សោ.កម៉ូតូមួយគ្រឿង តែមិនបានសម្រេច ត្រូវបានគេឃើញទាន់ស្រែកផ្អើលអ្នកជិតខាតចាប់ប្រគល់ឲ្យសមត្ថកិច្ចកាលពីវេលាម៉ោង ១៥និង៣០នាទី ថ្ងៃទី ១៤ ខែធ្នូ ឆ្នាំ២០១៩ នៅចំណុចភូមិប៉ប្រកខាងត្បូង សង្កាត់កាកាបទី១ ខណ្ឌពោធិ៍សែនជ័យ ។
សមត្ថកិច្ចឲ្យដឹងថា ជនសង្ស័យទី១ ឈ្មោះ ពៅ សុភារម្យ ភេទប្រុស អាយុ៣២ ឆ្នាំ មុខរបរកម្មករសំណង់ ទីលំនៅបន្ទប់ជួល ភូមិប៉ប្រកខាងត្បូង សង្កាត់កាកាបទី១ ខណ្ឌពោធិ៍សែនជ័យ របួសបែកមាត់ ត្រូវប្រជាពលរដ្ឋវាយ ។ ឃាត់ខ្លួនថ្ងៃទី ១៤ ខែធ្នូឆ្នាំ២០១៩ វេលាម៉ោង១៨និង៣០ នាទី ។ ទី២ ឈ្មោះ ស្មី ភេទប្រុស អាយុ ២៩ឆ្នាំ គេចខ្លួន ។ ចំណែកជនរងគ្រោះមានឈ្មោះ ផុន ប៉ាលី ភេទប្រុស អាយុ២១ឆ្នាំ មុខរបរជាងភ្លើង មានទីលំនៅបន្ទប់ជួលភូមិបឹងកក់ទី២ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
សម្ភារដកហូតបានមាន៖ ទី១.សោលេខ៨ ២.ដែកសំប៉ែតសម្រាប់កាច់សោករម៉ូតូ ៣.ម៉ូតូម៉ាកហុងដាអ៊ែរប្លែក ពាក់ស្លាកលេខភ្នំពេញ 1AZ-8581 ជារបស់ជនសង្ស័យឈ្មោះពៅសុភារម្យ ។ ៤.ម៉ាកស៊ុយស៊ូគីនិចពណ៌សស៊េរីឆ្នាំ 2019 ពាក់ស្លាកលេខភ្នំពេញ 1GG- 4624 ជារបស់ជនរងគ្រោះឈ្មោះផុនប៉ាលី ។
តាមសាក្សីបានឲ្យដឹងថា មុនពេលកើតហេតុជនរងគ្រោះ បានជិះម៉ូតូម៉ាកយហ្សុយគីនិច ពណ៌ស សេរី២០១៩ ពាក់ស្លាកលេខ ភ្នំពេញ 1GG-46244 ចេញពីបន្ទប់ជួល នៅភូមិបឹងកក់២ សង្កាត់បឹងកក់២ ខណ្ឌទួលគោក រាជធានីភ្នំពេញមកភូមិប៉ប្រក់ខាងត្បូង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ដើម្បីមកធ្វើការនៅក្រម ហ៊ុនមាសឪវើឡបមិន ពេលមកដល់កន្លែងធ្វើការ ក៏បានសោ.កម៉ូតូចតទុកនៅខាងក្រោមកន្លែងធ្វើការ រួចក៏ឡើងទៅធ្វើការ ពេលកំពុងតែធ្វើការស្រាប់តែឈ្មោះខាំ សារ៉ាត់ ភេទប្រុស ជាអ្នកគ្រប់គ្រងផ្នែកអាហារបានមើលកាំមេរ៉ាសុវត្ថិភាព ឃើញជនសង្ស័យកំពុងធ្វើសកម្មភាពលួចកាច់សោ.កម៉ូតូរបស់ជនរងគ្រោះ ហើយបក្ខពួកជនសង្ស័យឈ្មោះស្មី ភេទប្រស ជាអ្នកចាំមើលផ្លូវ ហើយឈ្មោះខាំ សារ៉ាត់ ក៏បានប្រាប់ជនរងគ្រោះ រួចក៏បានចុះមកទាំងអស់គ្នាស្រែកឆោឡោ ផ្អើលប្រជាពលរដ្ឋ ក្បែរនោះ ក៏នាំគ្នាដេញវ៉ៃជនសង្ស័យបណ្តាលឲ្យបែកមាត់ ក្រោយមកជនរងគ្រោះក៏ធ្វើឃាត់ខ្លួនជនសង្ស័យ ។
វត្ថុតាងចាប់យក សោ លេខប្រាំបី, ដែកសំប៉ែតសំរាប់កាច់សោម៉ូតូ, ម៉ូតូម៉ាកហុងដា អ៊ែរប្លែក ពាក់ស្លាកលេខ ភ្នំពេញ 1AZ-8581 (របស់ជនសង្ស័យឈ្មោះពៅ សុភារម្យ), ម៉ូតូម៉ាកស៊ុយហ្សុយគីនិចយ៉ាស ស៊េរី២០១៩ ពាក់ស្លាកលេខ ភ្នំពេញ 1GG-46244 (ជារបស់ជនរងគ្រោះឈ្មោះផុន បាលី) ប្រគល់ឲ្យសមត្ថកិច្ចប៉ុស្តិ៍នគរបាលរដ្ឋបាលកាកាបទី១ ។
ចំណែកបក្ខពួកជនសង្ស័យឈ្មោះ ស្មី ភេទប្រស គេចខ្លួន ហើយជនរងគ្រោះក៏បានដាក់ពាក្យបណ្តឹងលើជនសង្ស័យដើម្បីឲ្យសមត្ថកិច្ចនគរបាលចាត់កាតាមផ្លូវច្បាប់តែម្តង ។
សមត្ថកិច្ចអះអាងថា ជនសង្ស័យខាងលើ ជាគឺជនសង្ស័យតែងតែធ្វើសកម្មភាពលួចកាច់សោ.កម៉ូតូរបស់ប្រជាពលរដ្ឋយ៉ាងសកម្មនៅក្នុងភូមិសាស្ត្រខណ្ឌពោធិ៍សែនជ័យកន្លងមក ។
ជនសង្ស័យ ត្រូវបានប្រគល់ឲ្យផ្នែកជំនាញ នៃអធិការនគរបាលខណ្ឌពោធិ៍សែនជ័យ ដើម្បីអនុវត្តបន្តតាមនីតិវិធី ៕ សុខាសែនជ័យ
