សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សពបុរសជនជាតិស្បែកខ្មៅម្នាក់ត្រូវបានប្រជាពលរដ្ឋប្រទះឃើញអណ្តែតទឹកបឹងមួយកន្លែង ក្នុងបុរីពិភពថ្មី ស្ថិតក្នុងភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង៩ព្រឹក ថ្ងៃទី១៨ ខែធ្នូឆ្នាំ២០១៩ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុនៅល្ងាចថ្ងៃទី១៦ ខែធ្នូ ឆ្នាំ២០១៩មានកម្លាំងសមត្ថកិច្ចមួយក្រុមបានចុះមកបង្ក្រាបករណីគ្រឿងញៀន និងបានផ្ទុះអាវុធងដែរ ។ ក្នុងករណីនោះ សមត្ថកិច្ចបានឃាត់ខ្លួនជនសង្ស័យម្នាក់ ចំណែកម្នាក់ទៀតបានលោតចេញក្រៅរបងចូលទឹកបឹងបាត់ លុះរហូតមកដល់វេលាម៉ោង៩ព្រឹក ថ្ងៃទី១៨ ខែធ្នូ មានអ្នកនេសាទម្នាក់បានចុះបឹងទៅរកត្រី ស្រាប់តែប្រទះឃើញសពជនជាតិស្បែកខ្មៅដែលបាត់ពីថ្ងៃបង្ក្រាបគ្រឿងញៀនអណ្តែតទឹកក្នុងសភាពហើមស្អុយរលួយបាត់ទៅហើយ ។
ក្រោយកើតហេតុ សមត្ថកិច្ចបានចុះទៅដល់ចំណុចកើតហេតុ និងទាក់ទងទៅជំនាញមកធ្វើកោសល្យវិច័យ ៕ សុខាសែនជ័យ
