សារព័ត៌មាន នគរវត្ត តែងតែនាំមុខគេជានិច្ច
កាលពីថ្ងៃទី២៤ ខែធ្នូ រដ្ឋមន្ត្រីការពារជាតិរុស្ស៊ី បានប្រកាសថា នៅក្នុងឆ្នាំ២០១៩ កម្លាំងទាហានរុស្ស៊ីទទួលបានអាវុធថ្មី ឬអភិវឌ្ឍនធ្វើឲ្យទំនើបជាមុន មានដល់ទៅ៦៥០០ប្រភេទ ។ ការប្រកាសរបស់រដ្ឋមន្ត្រីការពារជាតិ Sergei Shoigu ធ្វើឡើងនៅក្នុងកិច្ចប្រជុំបូកសរុប លទ្ធផលប្រចាំឆ្នាំរបស់ក្រសួងការពារជាតិ ដោយមានការចូលរួមពី ប្រធានាធិបតីរុស្ស៊ី លោកពូទីនផងដែរ ។
រដ្ឋមន្ត្រីការពារជាតិ Sergei Shoigu បានបញ្ជាក់ថា គោលដៅសម្រាប់ការពារជាតិ ដែលបានកំណត់នៅក្នុងឆ្នាំ២០១៩ គឺទទួលបានជោគជ័យ ទាំងស្រុង ។ ពិសេសគឺ ការធ្វើឲ្យទំនើបកម្មសព្វាវុធសម្រាប់ការពារជាតិ ។ អាវុធរបស់រុស្ស៊ីឈានដល់ដំណាក់កាលទំនើបបំផុត ហើយអាវុធចាស់ៗបានអភិវឌ្ឍន៍ឲ្យទំនើបជាងមុន មានដល់ទៅជិត៧០ភាគរយហើយ ។
រដ្ឋមន្ត្រីការពារជាតិ Sergei Shoiguបានបញ្ជាក់ទៀតថា នៅក្នុងសប្តាហ៍ចុងឆ្នាំ២០១៩ នេះកងពលកាំជ្រួចមីស៊ីលល្បឿនលឿន បំផុត Avangard ក៏នឹងទទួលបានភារកិច្ច ត្រៀមលក្ខណធ្វើសង្គ្រាម ។ កាលពីឆ្នាំ២០១៨ រុស្ស៊ីបានបង្ហាញមីស៊ីល Avangard ជាសាធារណៈ ហើយប្រធានាធិបតីរុស្ស៊ី លោកពូទីនបានសរសើរថា ជាមីស៊ីលមានសមត្ថភាពខ្ពស់ អាច ចាក់ទម្លុះ ផ្លងផុតរាល់ប្រពន្ធការពារមីស៊ីល ទាំងឡាយរបស់អាមេរិក ។
បច្ចុប្បន្នបច្ចេកវិទ្យា មីស៊ីលល្បឿនលឿនរបស់រុស្ស៊ី បានឈានមុខអាមេរិក ជាលើកដំបូង ហើយអាមេរិក ក៏បានទទួលស្គល់ផងដែរថា បានចាញ់ប្រៀបរុស្ស៊ី លើបច្ចេកវិទ្យាមីស៊ីលល្បឿនលឿន ។ ជាមួយគ្នានេះដែរ អាមេរិក ក៏បានជំរុញផលិតមីស៊ីល ល្បឿនលឿន កំឲ្យចាញ់ប្រៀបរុស្ស៊ី ។
នៅពេលនោះដែរ ប្រធានាធិបតីរុស្ស៊ីលោកពូទីន បានបញ្ជាក់ថា រុស្ស៊ីបានតាមដានយ៉ាងយកចិត្តទុកដាក់បំផុតដល់សកម្មភាពរបស់អាមេរិក ដែលបានដាក់ពង្រាយ កាំជ្រួចមីស៊ីលនៅតាមព្រំដែនជាប់ប្រទេសរុស្ស៊ី និងតំបន់ជាច្រើននៅលើពិភពលោក នៅកំាជ្រួចមីស៊ីល រយៈចម្ងាយមធ្យម និងខ្លី ។
មានប្រសាសន៍នៅក្នុងកិច្ចប្រជុំប្រចាំឆ្នាំ របស់ក្រសួងការពារជាតិ ប្រធានាធិបតីពូទីនបានលើកឡើងថា ការដែលអាមេរិកបានដកខ្លួនចេញពីសន្ធិសញ្ញាអាវុធ INF ជាសញ្ញាមួយធ្វើឲ្យរុស្ស៊ីត្រូវតែប្រុងប្រយ័តបំផុត ។
ប្រធានាធិបតីពូទីនបានលើកឡើងថា នៅក្នុងសន្ធីសញ្ញា INF បានហាមប្រើប្រាស់កាំជ្រួចមីស៊ីលរយៈចម្ងាយធម្យម មីស៊ីលឆ្លងទ្វីប ដែលអាវបាញ់ប្រហារ ក្នុងរយៈចម្ងាយ៥៥០០គីឡូំម៉ែទ្រ ដូច្នេះយើងចាំបាច់ត្រូវតែតាមដានរាល់សកម្មភាព របស់អាមេរិក នៅក្នុងតំបន់អឺរ៉ុប អាស៊ី និងពិភពលោកទាំងមូល ។
រដ្ឋមន្ត្រីការពារជាតិរុស្ស៊ី លោក Sergey Shoigu បានលើកឡើងថា មន្ទីបញ្ចកោណអាមេរិក បានត្រៀមលក្ខណៈវាយប្រហារ ក្រោយដកខ្លួនចេញពីINF ។ លោក Sergey Shoigu បានលើកឡើងថា នៅពេលនេះអាមេរិកអាចបើកការវាយប្រហារនៅលើពិភពលោក ដោយប្រើពេលវេលាតែ២៤ម៉ោង ប៉ុណ្ណោះ មិនម៉ែន១០ថ្ងៃដូចកាលពីមុន ។ ជាមួយគ្នានោះរ៉ាដា អាមេរិក នៅអឺរ៉ុប អាចគ្រប់ដណ្តប់ នៅលើទឹកដីរុស្ស៊ី ជម្រៅដល់ទៅ៤៥០ គីឡូម៉ែត្រ ៕
