សារព័ត៌មាន នគរវត្ត តែងតែនាំមុខគេជានិច្ច
ប្រទេស ប៊ូគីណេ ហ្វាសូ បានទទួលរងញាំញី ដោយអំពើហិង្សារបស់ក្រុមអ៊ិស្លាមជ្រុលនិយម មានទំនាក់ទំនងជាមួយក្រុមភេរវករ អាល់កៃដា និងក្រុមអង្គការភេវករ DAESH តាំងតែពីឆ្នាំ២០១៦ រហូតមក ។ នៅថ្ងៃបុណ្យគ្រិស្មាសក្រុមភែរវកម្មបានបើការវាយប្រហារបណ្តាលឲ្យមានអ្នកស្លា់បនិងរងរបួសជាច្រើន
ប្រធានាធិបតី នៃប្រទេសប៊ូគីណេ ហ្វាសូ (Burkina Faso) លោក Roch Marc កាលពីថ្ងៃទី២៤ ខែធ្នូ ឆ្នាំ២០១៩ បានថ្លែងថា យ៉ាងតិចជនស៊ីវិល៣៥នាក់ ភាគច្រើនជាស្ត្រី ត្រូវបានសម្លាប់ដោយសារតែការវាយប្រហារភេរវកម្ម នៅខេត្ត Soum ភាគខាងជើង នៃប៊ូគីណេ ហ្វាសូនោះ ។
លោកប្រធានាធិបតី បានថ្លែងថា «លទ្ធផលនេះ បណ្តាលមកពីការវាយប្រហារភេរវកម្មដ៏ឃោរឃៅ ហើយជនស៊ីវិល៣៥នាក់ ភាគច្រើនជាស្ត្រី ត្រូវបានសម្លាប់ ។ ខ្ញុំសូមចូលរួមរំលែកទុក្ខដ៏ក្រៀមក្រំបំផុតនេះ ជាមួយក្រុមគ្រួសាររងគ្រោះ» ។
ខណៈដែលកំពុងតែតបតជាមួយនឹងការវាយប្រហារនេះ កងកម្លាំងយោធាបានកម្ចាត់ក្រុមឧទ្ទាម ចំនួន៨០នាក់ និងរឹបអូសបានសម្ភារសឹក និងរថយន្តពីក្រុមឧទ្ទាម ។
សេចក្តីថ្លែងការណ៍របស់កម្លាំងទាហានរបស់ប្រទេសប៊ូគីណេ ហ្វាសូ បានបញ្ជាក់ថា ព្រឹត្តិការណ៍ដ៏សោកសៅនេះ បណ្តាលឲ្យកម្លាំងសមត្ថកិច្ចចំនួន៧នាក់ បាត់បង់ជីវិត និងប្រហែល២០នាក់ផ្សេងទៀត រងរបួស៕
