សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ សមត្ថកិច្ចបានឃាត់ រថយន្តតួរីសមួយគ្រឿងដឹកឈើអារ ដែលអជ្ញាធរអះអាងថាជាជំនួញឈើខុសច្បាប់ បង្ក្រាបដោយកម្លាំងបរិស្ថានស្នាក់ការ ស្ទឹងច្រាលឧទ្យានជាតិគីរីរម្យ កាលពីវេលា ម៉ោង១១យប់ ថ្ងៃទី២៣ ខែធ្នូ ឆ្នាំ២០១៩ តាមផ្លូវជាតិលេខ4 ចំណុចគីឡូម៉ែត្រ107-108 ។
សមត្ថកិច្ចបញ្ជាក់ថា រថយន្តនេះ ពាក់ស្លាកលេខ ភ្នំពេញ 2J-7916 មានទិសដៅ ភ្នំពេញ.ខេត្តព្រះសីហនុ ពេលដែលសមត្ថកិច្ចស្ទាក់ចាប់អ្នកបើកបររថយន្តឈប់ រួចហើយក៍គេចខ្លួនចោលរថយន្ត ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ ហើយនៅព្រឹកថ្ងៃទី២៤ ខែធ្នូ ឆ្នាំ២០១៩ កម្លាំងគណៈបញ្ជាការឯកភាពរដ្ឋបាលស្រុកកំពង់សីលាដឹកនាំដោយលោក តុប ពេញ អភិបាលរងស្រុកកំពង់សីលាបាន ចុះត្រួតពិនិត្យជាក់ស្តែង និងវាស់វែងឃើញមានឈើអាររួចសរុបចំនួន៥៧សន្លឹក ស្មើនឹង ជាង២ម៉ែត្រគូប ។
បច្ចុប្បន្នវត្ថុតាងរថយន្ត និងឈើខាងលើត្រូវបានយកមករក្សាទុកនៅស្នាក់ការស្ទឹងច្រាលឧទ្យានជាតិគីរីរម្យ ៕ឆ្លាម សម្រុទ
