ព័ត៌មានទាន់ហេតុការណ៍៖

​ចោរ​ចិត្តស្លុយ២​នាក់យក​​ពូថៅ​វាយ​បំបែក​កញ្ចក់​ទូយក​ទូរស័ព្ទអស់៥គ្រឿង​រួចគប់ផាវគ្រាប់បែកគំរាមម្ចាស់

ចែករំលែក៖

ខេត្តបាត់ដំបង៖ ចោរ​ចិត្តស្លុយ​ពីរ​នាក់​ជិះ​ម៉ូតូ​១​គ្រឿង​មក​ឈប់​មុខ​តូប​លក់​ទូរ​ស័​ព្ធ​ដៃមួយកន្លែង​យីហោ​ស៊ីនួន​ស្ថិតក្នុង​ចំណុច​ក្រុមទី​៣​ភូមិ​ជំនីក​ឃុំ​អន្លង់​វិល​ស្រុក​សង្កែ​ នៅ​ល្ងាច​ថ្ងៃទី​២៦​ខែធ្នូ​ឆ្នាំ​២០១៩​ ហើយក្នុងនោះ​ចោរ​ម្នាក់​ជិះ​ខាងក្រោយ​បាន​យក​ពូថៅ​វាយ​បំបែក​កញ្ចក់​ទូតាំងទូរស័ព្ទ​ហើយ​យក​ទូរស័ព្ទដៃ​អស់​៥គ្រឿង​រួច​មុន​ចេញ​ទៅបាន​បោក​ផាវ​គ្រាប់បែក​ចំនួន​បី​គ្រាប់​ជាការ​គំរាម​កុំឱ្យម្ចាស់​ដេញតាម​ពួកវាថែមទៀត ​។​

​ ​មន្រ្តីនគរបាលក្រុងបាត់ដំបងបានឲ្យដឹងថា ជនរងគ្រោះ​ដែល​ម្ចាស់​ទូរស័ព្ទ​ឈ្មោះ​ផាន​វណ្ណ​ឈី​ង​ភេទ​ប្រុស ​អាយុ​២៦​ឆ្នាំ ​រស់នៅ​ភូមិ​ឃុំ​កើតហេតុ​ខាងលើ​បាត់បង់​អស់​ទូរស័ព្ទដៃ​៥​គ្រឿង​។ ​ក្នុងនោះ​ម៉ា​កវី​វ៉ូ​y១១​ពណ៌​ខ្មៅ​ចំនួន​២​គ្រឿង​២​ម៉ាក​សាំ​ស៊ុ​ង​J5​ផ្លាស់​ពណ៌​ផ្កាឈូក​ចំនួន​១​គ្រឿង​និង​៣.​ម៉ាក​រ៉ែត​មី​អិ​ច​ចំនួន​២​គ្រឿង ​សរុប​ជា​ទឹកប្រាក់​ប្រមាណ​៤០០​ដុល្លារ​។​

ចំណែក​ជនសង្ស័យ​មិន​ស្គាល់​អត្តសញ្ញាណ​ទេ​ក្នុងនោះគ្រាន់តែដឹងថា​មាន​គ្នាពីរនាក់ដោយម្នាក់​ពាក់មួក​កន្តឹប​ ជិះម៉ូតូមួយគ្រឿងមិនចាំម៉ាកឌុបគ្ណាមកដល់ចំណុចខាងលើធ្វើសកម្មភាពបែបនេះតែម្តង ។​

​ក្រោយមកទើប ​កម្លាំង​អធិការដ្ឋាន​នគរបាល​និង​កងរាជអាវុធហត្ថ​ស្រុក​សង្កែ​ បានចុះមកដល់ដើម្បីបើក​ប្រតិបត្តិការ​ត្រួតពិនិត្យ​និង​ស្រាវជ្រាវ​រកជនសង្ស័យនៅ​ជុំវិញ​ទីតាំង​កើតហេតុ​នីងកំពុងតាម​ស្រាវជ្រាវ​រកមុខ​សញ្ញា​ចោរប្លន់​ទាំង​២​នាក់​នេះ​ ដើម្បី​ចាប់ខ្លួនយកមក​ផ្ដន្ទាទោសតាមច្បាប់​ឲ្យខាងតែបាន ៕ ប្រាថ្នា


ចែករំលែក៖