សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មណ្ឌលសំចត សង្គមកិច្ចរាជធានីភ្នំពេញ ដែលមានទីតាំងស្ថិតនៅក្នុងភូមិស្រែជម្រៅ សង្កាត់ចោមចៅ២ ខណ្ឌពោធិសែនជ័យ បានដឹកយុវជនម្នាក់មានអាយុជាង២០ឆ្នាំ មិនដឹងថាជាជនអនាថា ឬក៏មានសាច់ញាតិ ញៀនថ្នាំនោះដែរ តាមរថយន្តចូលមន្ទីរពេទ្យបង្អែកពោធិចិនតុង សង្កាត់កាកាប១ ខណ្ឌពោធិសែនជ័យ ហើយប្រញ៉ាប់ប្រញ៉ាល់បើករថយន្តចាកចេញទៅបាត់ ក្រុមគ្រូពេទ្យ ពិនិត្យជាក់ស្តែង ឃើញយុវជនខាងលើក្នុងសភាពធ្ងន់ធ្ងរ ក៏ដឹកតាមរថយន្តសង្គ្រោះគោលបំណងឆ្ពោះទៅមន្ទីរពេទ្យព្រះកុសុមៈ ជាអកុសលដល់ចំណុចផ្សារទឹកថ្លា យុវជនខាងលើស្លាប់បាត់ជីវិត ទើបទឹកវិលត្រឡប់មកវិញ កាលពីវេលាម៉ោង៧ព្រឹក ថ្ងៃទី៣ ខែមករា ឆ្នាំ២០១៩ ទំនាក់ទំនងហៅខាងមណ្ឌលមកវិញ តែពុំបានលទ្ធផល មានតែរាយការណ៍ទៅសមត្ថកិច្ច ចុះពិនិត្យមើលជាក់ស្តែង ។
តាមបុគ្គលិកបម្រើការងានៅមន្ទីរពេទ្យបង្អែកពោធិចិនតុង បានឲ្យដឹងថា នៅវេលាម៉ោង៦ និង៣០នាទីព្រឹក ថ្ងៃទី០៣ ខែមករានេះ ខាងមណ្ឌលសំចត សង្គមកិច្ចរាជធានីភ្នំពេញ ស្រែជម្រៅ បានដឹកអ្នកជំងឺម្នាក់ តាមរថយន្តរបស់មណ្ឌល មកចូលមន្ទីរពេទ្យបង្អែក ដាក់ចុះឲ្យក្រុមគ្រូពេទ្យជួយពិនិត្យមើល រថយន្តរថយន្តមណ្ឌលប្រញ៉ាប់ប្រញ៉ាល់ បើកចាកចេញទៅវិញបាត់ ទុកអ្នកជំងឺ ទាំងគ្មានអ្នកផ្តល់ព័ត៌មានជុំវិញជំងឺរបស់យុវជនរូបនេះ ដោយឃើញជាក់ស្តែង ស្ថានភាពធ្ងន់ធ្ងរ ខាងមន្ទីរពេទ្យបង្អែក ក៏បានដឹកបញ្ជូនទៅមន្ទីរពេទ្យព្រះកុសុមៈ ទើបបានពាក់កណ្តាលផ្លូវ បានស្លាប់បាត់ ទើបដឹកវិលមកមន្ទីរពេទ្យវិញ ព្យាយាមទំនាក់ទំនងទៅខាងមណ្ឌល ដើម្បីសាកសួរព័ត៌មាន ឬក្រុមគ្រួសារ ទោះជាយ៉ាងណា មិនបានមកសហការបំភ្លឺរឿងនេះឡើយ ។
ក្រោយពីយុវជនរូបនេះស្លាប់ ខាងមណ្ឌលមិនសហការជាមួយសមត្ថកិច្ច គ្រូពេទ្យ មានតែសមត្ថកិច្ចមូលដ្ឋាន ជំនាញក្រុងចុះទៅពិនិត្យជាក់ស្តែង និងរងចាំសម្រេចពីថ្នាក់លើ ។
បើតាមមតិមហាជនបានឲ្យដឹងថា មណ្ឌលសំចត សង្គមកិច្ចរាជធានីភ្នំពេញ ស្រែជម្រៅ ច្រើនដងមកហើយ មិនទទួលខុសត្រូវ ចំពោះ ជនជាប់ឃុំ ក្នុងមណ្ឌល ដែកកើតមានបញ្ហាផ្នែកសុខភាពឡើយ សូម្បីសមត្ថកិច្ចមូលដ្ឋាន ទៅសុំសហការ សាកសួរ ត្រូវធ្វើការងារផ្សេងៗ មិនទាំងឲ្យសមត្ថកិច្ច ប៉ូលិសទៅក្បែរផង ប្រជាពលរដ្ឋមិនយល់ពីប្រព័ន្ធការងារ របស់មណ្ឌល មើលតែមានតែឯង ចង់មិនចង់ អ្នកសុំទាន មនុស្សអនាថា ឬមនុស្សមានជំងឺស្រាប់ ដែលចាប់ឃាត់យកពីមូលដ្ឋានមួយចំនួនទៅ គ្មានសាច់ញាតិទៅសាកសួរ ២ឬ៣ថ្ងៃ ដេញចេញបាត់ ពោលទុកតែជនណាដែលមានប្រយោជន៍ដល់មណ្ឌល ៕ សុខាសែនជ័យ
