សារព័ត៌មាន នគរវត្ត តែងតែនាំមុខគេជានិច្ច
កម្លាំងទាហានអាកាសរុស្ស៊ី នឹងទទួលបានយន្តហោះទម្លាក់គ្រាប់យុទ្ធសាស្ត្ររយៈចម្ងាយឆ្ងាយប្រភេទ Tu-160 ចំនួន៥០គ្រឿងបន្ថែមទៀតនៅក្នុងឆ្នាំ២០២១ ។ រដ្ឋលេខាធិការក្រសួងការពារជាតិរុស្ស៊ីលោក Alexei Krivoruchko បានបបញ្ជាក់ថា នេះមិនមែនជាព័ត៌មានថ្មីឡើយ រុស្ស៊ី ធ្លាប់បានប្រកាសពីគម្រោង បង្កើនកម្លាំងទាហានអាកាស តាំងពីយូរណាស់មកហើយ។
យន្តហោះទម្លាក់គ្រាប់យុទ្ធសាស្ត្រ Tu-160 មានម៉ាស៊ីន៤ បានហោះហើរជាលើកដំបូង នៅក្នុងឆ្នាំ១៩៨១។ យន្តហោះនេះផលិតនិងប្រើប្រស់ក្នុងសម័យសហភាពស៊ូវៀត ក៏ដូចជា រុស្ស៊ីបច្ចុប្បន្ន ហើយបានអភិវឌ្ឍន៍បន្ថែមឲ្យកាន់តែទំនើប។
យន្តហោះ Tupolev Tu-160 ត្រូវបានគេចាត់ទុកថាជាយន្តហោះទម្លាក់គ្រាប់ធំបំផុតនិងលឿនបំផុតក្នុងប្រវត្តិសាស្ត្ររបដស់កម្លាំងទាហានរុស្ស៊ី។ យន្តហោះនេះអាចបំពេញភារកិច្ចផ្សេងៗគ្នា។ យន្តហោះ Tu-160 មានរូបរាងដូចទៅនឹងយន្តហោះទម្លាក់គ្រាប់ អាមេរិក B-1B Lancer។ ប៉ុន្តែយន្តហោះរបស់រុស្ស៊ី មានល្បឿនលឿនជាងសំឡេងជិត២ដង(1,9 Mach) ស្មើរ២០១៨ គីឡូម៉ែត្រ ក្នុងមួយម៉ោង ។
យន្តហោះ Tu-160 អាចបំពាក់មីស៊ីល ឆ្លងទ្វីប មីស៊ីលនាំផ្លូវ គ្រាប់បែកបរមាណូ …សរុបមានទម្ងន់ដល់ទៅ៤០តោន។ យន្តហោះទម្លាក់គ្រាប់នេះគឺជាសបិនអាក្រក់របស់អាមេរិកនិងសម្ពន្ធមិត្ត ដោយអាចហោះហើយ បានជាង១០ម៉ោង។ ពេលថ្មីៗនេះយន្តហោះTu-160 ក៏បានហោះហើក្នុងចម្ងាយផ្លូវដល់ទៅ៦ពាន់គីឡូម៉ែត្រក្នុងរយៈពេល៨ម៉ោង ។
នៅពេលខាងមុខ ក្រោយការបំពាក់យន្តហោះដ៏ទំនើបនេះបន្ថែម៥០គ្រឿងនោះទាហានអាកាសរុស្ស៊ី កាន់តែខ្លាំង អាចវាយប្រហារ និងធ្វើសង្រាម គ្រប់ពេលវេលា ជាមួយអាមេរិក មិនថានៅទីកន្លែងណានោះឡើយ៕
