សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រថយន្តធំ២គ្រឿងបុកប៉ះគ្នា កាលពីម៉ោង៨យប់ ថ្ងៃទី១៨ខែមករាឆ្នាំ២០២០ ក្នុងទិសដៅផ្ទុយគ្នា នៅចន្លោះគីឡូម៉ែត្រលេខ 111-112 ក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ បណ្តាលអោយមនុស្សម្នាក់ស្លាប់ និងម្នាក់ទៀតរងរបួស ។
អ្នករងបួស និងស្លាប់ ជាភាគីខាងរថយន្តចង្កូតស្តាំពាក់ស្លាកលេខ ខេមរភូមិន្ទ 3-1807 បើកបរដោយឈ្មោះ ពុំ ប៉ាន់ ភេទប្រុស អាយុ៤១ឆ្នាំ(រងរបួសស្រាល) មានទីលំនៅភូមិកាប់ទូក ឃុំព្រៃរំដួល ស្រុកភ្នំស្រួច ខេត្តកំពង់ស្ពឺ និងអ្នករួមដំណើរ ឈ្មោះ ប៉ាន់ ភ័ស ភេទប្រុស អាយុ១៦ឆ្នាំ ត្រូវជាកូនបង្កើតអ្នកបើកបរ ស្លាប់នៅនឹងកន្លែងកើតហេតុ ។
ចំណែកភាគីម្ខាងទៀតជារថយន្តកុងតឺន័រ ពាក់ស្លាកលេខ ភ្នំពេញ 3A-5232 (អ្នកបើកបររត់គេចខ្លួនបាត់មិនស្គាល់អត្តសញ្ញាណ) ។
រីឯវត្ថុតាងខាងលើត្រូវបានយកមករក្សាទុកនៅអធិការនគរបាលស្រុកកំពង់សីលា ដើម្បីដោះស្រាយតាមនីតិវិធី ៕ ឆ្លាម សមុទ្រ
