សារព័ត៌មាន នគរវត្ត តែងតែនាំមុខគេជានិច្ច
សកម្មភាពព្យុហយាត្រា របស់កូរ៉េខាងជើង ក្នុងទិវា បង្កើតកងទ័ព គឺមិនដែល ផ្អាក់មួយឆ្នាំណាឡើយ គឺជាពេលវេលាដែលប្រទេសនេះបង្ហាញសាច់ដុំឲ្យពិភពលោកបានដឹង នៅការរីកចំរើនវិស័យផលិតអាវុធ ។
ដើម្បីទប់ស្កាត់ការឆ្លងរាលដាលនៃវីរុសកូរ៉ូណា កូរ៉េខាងជើងនិងផ្អាក់ការដង្ហែក្បួនព្យុហយាត្រា ទិវាបង្កើតកងទ័ពប្រទេសនេះនៅថ្ងៃទី៨ខែកុម្ភៈនិង ខួបកំណើតលើកទី៧៨របស់អតីតមេដឹកនាំគីម ជុងអ៊ីល នាថ្ងៃទី១៦ខែកុម្ភៈ ។
ដើម្បីអបអរព្រឹត្តិការណ៍ដ៏សំខាន់នេះមេដឹកនាំកូរ៉េខាងជើងតែងតែដង្ហែក្បួនព្យុហយាត្រាទ្រង់ទ្រាយធំជារៀងរាល់ឆ្នាំ ដើម្បីបង្ហាញអាវុធទំនើបៗ ដែលខ្លួនមាន។ កន្លងមកក្រុមអ្នកឯកទេសបានលើកឡើងថា កូរ៉េខាងជើង នឹងបង្ហាញអាវុធទំនើបៗ ក្រោយកិច្ចពិភាក្សាជាមួយអាមេរិកបរាជ័យ។ ប៉ុន្តែនៅពេលនេះ ការបង្ហាញអាវុធ ត្រូវបានផ្អាកដោយបញ្ហាខ្លាចឆ្លងវីរុសកូរ៉ូណា។
សារព័ត៌មាន យ៉ុនហាប់របស់កូរ៉េខាងត្បូង បានផ្សាយថា« ពិតជារឿងគ្រោះថ្នាក់ដល់កម្លាំងយោធាប្រសិនបើកូរ៉េខាងជើងដង្ហែក្បួនព្យុហយាត្រានៅពេលនេះ»។ ជាមួយគ្នានេះដែរកូរ៉េខាងជើងបានខិតខំទប់ស្កាត់ការឆ្លងរាលដាលនៃវីរុស កុរ៉ូណា បើទោះបីប្រទេសនេះមិនទាន់មានករណីឆ្លងក៏ដោយ។
រដ្ឋាភិបាលទីក្រុងព្យុងយ៉ាងបាន រឹតបន្តឹងតាមព្រំដែន ត្រួតពិនិត្យយ៉ាងល្អិតល្អន់ដល់អ្នកធ្វើដំណើរចូលពីប្រទេសចិន៕
