សារព័ត៌មាន នគរវត្ត តែងតែនាំមុខគេជានិច្ច
ភំ្នពេញ ៖ បងប្រុសបង្កើតរបស់ជនរងគ្រោះម្នាក់ដែលត្រួវបានជនសង្ស័យម្នាក់យកកាំបិតផ្កាក់កាប់បណ្ដាលឲ្យរងរបួសធ្ងន់រហូតដេរអស់ចំនួន៣៦ថ្នេរកាលពីម្សិលមិញ នៅព្រឹកឡើងវេលាម៉ោង០៨ និង០០នាទី ថ្ងៃទី០៩ ខែកុម្ភៈ ឆ្នាំ២០២០នេះ ក៏បានមកដាក់ពាក្យបណ្តឹង ប្តឹងទៅលើជនសង្ស័យដើម្បីឲ្យសមត្ថកិច្ចចាត់ការតាមច្បាប់ ។
យោងតាមរបាយការណ៍របស់នគរបាលខណ្ឌដង្កោបានឲ្យដឹងថា ហេតុការណ៍ខាងលើនេះ បានកើតឡើងកាលពីថ្ងៃទី០៨ ខែកុម្ភៈ ឆ្នាំ២០២០ វេលាម៉ោង ១៧និង៤០នាទី ត្រង់ចំណុចតូបលក់ដូរ ផ្លូវលំ ស្ថិតនៅភូមិសាលា សង្កាត់ទៀន ខណ្ឌដង្កោ រាជធានីភ្នំពេញ ។
ជនរងគ្រោះឈ្មោះ ម៉ៃ រតនៈ ភេទប្រុស អាយុ៣០ឆ្នាំ មុខរបរកម្មករសំណង់ ស្នាក់នៅការដ្ឋានសំណង់ ភូមិសាលា សង្កាត់ទៀន ខណ្ឌដង្កោ រាជធានីភ្នំពេញ ។ ចំណែកឯជនសង្ស័យម្នាក់ត្រូវបានឃាត់ខ្លួនមានឈ្មោះ ជួក ហ៊ាង ភេទប្រុស អាយុ២៥ឆ្នាំ មុខរបរកម្មករសំណង់ ស្នាក់នៅការដ្ឋានសំណង់ ស្ថិតនៅភូមិសាលា សង្កាត់ទៀន ខណ្ឌដង្កោ រាជធានីភ្នំពេញ ។
វត្ថុតាងចាប់យក៖ កាំបិតផ្គាក់ប្រវែង៧០ សង់ទីម៉ែត្រ ចំនួន០១ ។
ក្នុងរបាយការណ៍របស់នគរបាលខណ្ឌដង្កោបានឲ្យដឹងទៀតថា កាលពីថ្ងៃទី០៨ ខែកុម្ភៈ ឆ្នាំ២០២០ វេលាម៉ោង១៧និង៤០នាទី ជនរងគ្រោះឈ្មោះ ម៉ៃ រតនៈ ភេទប្រុស អាយុ៣០ឆ្នាំ កំពុងអង្គុយហូបបាយ និងជជែកគ្នាលេងនៅតូបលក់គ្រឿងក្លែម ស្ថិតនៅភូមិសាលា សង្កាត់ទៀន ខណ្ឌដង្កោ រាជធានីភ្នំពេញ ។ ហើយបាន ឃើញជនសង្ស័យឈ្មោះ ជួក ហ៊ាង ភេទប្រុស អាយុ២៥ឆ្នាំ ដើរមកទិញសាច់ក្លែមនៅតូបដែលជនរងគ្រោះកំពុងអង្គុយហូបបាយ និងជជែកគ្នាលេង ខាងលើ ពេលជនសង្ស័យទិញម្ហូបបានហើយក៏ដើរត្រឡប់ទៅវិញ ប៉ុន្តែជនសង្ស័យ និងជនរងគ្រោះធ្លាប់មានទំនាស់ជាមួយគ្នាកាលពីដើមខែមករា ឆ្នាំ២០២០ វេលាម៉ោង១៣និង២០នាទី នៅផ្ទះលក់គ្រឿងសំណង់ ស្ថិតនៅភូមិសាលា សង្កាត់ទៀន ខណ្ឌដង្កោ រាជធានីភ្នំពេញ ។ ពេលមានទំនាស់ គ្នានោះជនរងគ្រោះបានយកពូថៅកាប់ទៅលើជនសង្ស័យចំនួន០២ពូថៅ រងរបួសស្រាលមិនបានទៅព្យាបាល និងមករាយការណ៍ ឬដាក់ពា្យបណ្តឹង សមត្ថកិច្ចដើម្បីចាត់ការទៅលើជនរងគ្រោះទេ ជនសង្ស័យបានគុំទុកចាំសងសឹកពេលក្រោយវិញ ។ បន្ទាប់ពីជនសង្ស័យបានទិញសាច់ក្លែមយកទៅ ផឹកស៊ីអស់ស្រាបៀរ ចំនួន០១កេះ ក៏បានដើរទៅយកកាំបិតផ្គាក់ពីខាងក្រោយដេប៉ូលក់គ្រឿងសំណង់ឈ្មោះ ស៊ីនួន មករា កាប់ទៅលើជនរងគ្រោះ ១កាំបិតផ្គាក់ ត្រូវចំក្បាលចំហៀងខាងស្តាំ ដល់ថ្ពាល់ រងរបួសធ្ងន់ ត្រូវបានគេយកទៅសង្គ្រោះនៅមន្ទីរពេទ្យកាល់ម៉ែត្រ ដេរចំនួន៣៦ថ្នេរ ។
ក្រោយពីជនសង្ស័យធ្វើសកម្មភាពរួច បានរត់គេចខ្លួនទៅពូននៅក្នុងប្រឡាយទឹកក្នុងភូមិសាលា ដែលមានចម្ងាយពីកន្លែងកើតហេតុប្រហែល ១០០ម៉ែត្រ ហើយក៏ត្រូវបានកម្លាំងសមត្ថកិច្ចយើងចុះទៅជួយអន្តរាគមន៍ឃាត់ខ្លួនជនសង្ស័យ រួមនិងវត្ថុតាង កាំបិតផ្គាក់ប្រវែង៧០សង់ទីម៉ែត្រ ចំនួន០១ យកមកធ្វើការសាកសួរនៅប៉ុស្តិ៍នគរបាលរដ្ឋបាលទៀន តាមនីតិវិធីច្បាប់ ។ នៅថ្ងៃទី០៩ ខែកុម្ភៈ ឆ្នាំ២០២០ វេលាម៉ោង០៨និង០០នាទី ឈ្មោះ ម៉ៃ ប៊ុនធី ភេទប្រុស អាយុ៣៤ឆ្នាំ (ត្រូវជាបងប្រុសបង្កើតរបស់ជនរងគ្រោះ) បានមកដាក់ពាក្យបណ្តឹងជនសង្ស័យ ឈ្មោះ ជួក ហ៊ាង ដើម្បីឱ្យសមត្ថកិច្ចចាត់ការតាមផ្លូវច្បាប់តែម្តង ៕ ភារ៉ា ដង្កោ
