សារព័ត៌មាន នគរវត្ត តែងតែនាំមុខគេជានិច្ច
ការបាញ់ប្រហារ និងការវាយប្រហារដោយកាំបិតបានកើតឡើងជាបន្តបន្ទាប់នៅតំបន់ អឺរ៉ុប ដោយជនដៃដល់វាយប្រហារ មានភាពឆ្លាតវៃ ជាងពេលមុន ដើម្បីបញ្ចៀសការតាមចាប់ពី កម្លាំងសន្តិសុខ ។
នៅពេលនេះ មានករណីបាញ់ប្រហារនៅក្នុងក្លឹបរាត្រី (ហាងបារ) ឈ្មោះ Bar Shisha ពីរកន្លែងនៅក្នុងទីក្រុង Hanau និង Kesselstadt ប្រទេសអាល្លឺម៉ង់ បណ្តាលឲ្យមានអ្នកស្លាប់និងរបួសជាច្រើននាក់។
សារព័ត៌មាន RT បានផ្សាយថា ការបាញ់ប្រហារខាងលើកើតឡើងនៅយប់ថ្ងៃទី១៩ ខែកុម្ភៈ បណ្តាលឲ្យមនុស្ស ៨នាក់ស្លាប់ ចំណែកអ្នករងរបួស មិនទាន់ដឹកច្បាស់ ស្ថិតនៅក្នុងក្លឹបទាំងពីរខាងលើ ។
ចំណែកសារព័ត៌មាន Bild បានផ្សាយថា មានមនុស្ស ៨នាក់ស្លាប់ និង ៥នាក់ស្ថិតនៅក្នុងសភាពគ្រោះថ្នាក់កំពុងសង្គ្រោះបន្ទាន់។ មន្ត្រីសន្តិសុខ អាល្លឺម៉ង់បានបញ្ជាក់ថា ការបាញ់ប្រហារលើកទីមួយ កើតឡើងនៅ តំបន់ Kurt-Schumacher-Platz ក្នុងទីក្រុង Hanau ។ ការបាញ់ប្រហារលើកទីពីរកើតឡើងនៅទីក្រុង Kesselstadt ពេលនោះខ្មាន់កាំភ្លើងជិះរថយន្ត ហើយបាញ់សំដៅចូលក្នុងក្លឹបរាត្រី។
ជាមួយគ្នានេះដែរ បណ្តាញទូរទស្ស Hessischer Rundfunk បានផ្សាយថា មានករណីបាញ់ប្រហារលើកទីបីស្ថិតនៅក្នុងតំបន់ Lamboy ប៉ុន្តែព័ត៌មានមិនទាន់មានការបញ្ជាក់ឲ្យច្បាស់ពីក្លាំងប៉ូលិសនៅឡើយទេថាតើមានការបាញ់លើកទី៣ដែរ ឬអត់?។
កម្លាំង ប៉ូលិសអាល្លឺម៉ង បានបញ្ជូនកម្លាំង ពិសេស ទៅកាន់កន្លែងកើតហេតុ ក្នុងនោះមានទាំងឧទ្ធម្ភាគចក្រផងដែរ ក្នុងការតាមចាប់ខ្លួន អ្នកវាយប្រហារ។ កម្លាំងប៉ូលិសមិនទាន់កំណត់អត្តសញ្ញាណជនដៃដល់នៅឡើយទេ ៕
