សារព័ត៌មាន នគរវត្ត តែងតែនាំមុខគេជានិច្ច
បក្សដឹកនាំដោយប្រធានាធិបតី ហាសសាន រ៉ូហានី បរាជ័យ នៅក្នុងការបោះឆ្នោត សភា ហើយនៅក្នុងរដ្ឋធានីតែអ៊ីរ៉ង់មិនទទួលបានមួយកៅអីណាឡើយ។ទាំងនោះគឺជារឿងមួយយ៉ាងអាម៉ាសសម្រាប់គណបក្សកាន់អំណាច ។
កាលពីថ្ងៃទី២៣ ខែកុម្ភៈ គណបក្សប្រឆាំងនៅអ៊ីរ៉ង់ប្រកាសថា បានទទួលជ័យជំនៈក្នុងការបោះឆ្នោត កាលពីថ្ងៃទី២១ខែកុម្ភៈកន្លងមក។ ការបោះឆ្នោតលើកនេះគឺមានចំនួនពលរដ្ឋទៅចូលរួមបោះឆ្នោតតិចបំផុតមិនធ្លាប់មានចាប់តាំងពីឆ្នាំ១៩៧៩។ សារព័ត៌មាន Kayhan បានផ្សាយថា«ជ័យជំនៈក្នុងការបោះឆ្នោតបានទៅលើបេក្ខភាពប្រឆាំងអាមេរិក។
ក្រសួងមហាផ្ទៃអ៊ីរ៉ង់បានប្រកាសថា លទ្ធផលរាប់សន្លឹកឆ្នោតបាន៩៥ភាគរយ នៅបណ្ឌលបោះឆ្នោតចំនួន២០៨កន្លែង ដោយបានប្រកាសពីបេក្ខភាពទទួលបានជ័យជំនៈ ក្នុងការបោះឆ្នោត ។
ក្នុងពេលជាមួយគ្នានេះដែរ សារព័ត៌មាន Fars បានផ្សាយថា បេក្ខភាពដែលមានទស្សនៈនយោបាយប្រឆាំងអាមេរិក ទទួលបាន១៩១ កៅអ៊ីក្នុងចំណោម២៩០កៅអីក្នុងសភា ។អ្វីដែលគួឲ្យចាប់អារម្មណ៍នោះគឺគណបក្សប្រឆាំងទទួលបាន ជ័យជំនៈទាំងស្រុង នៅក្នុងទីក្រុងតេអ៊ីរ៉ង់ ដែលមាន៣០កៅអ៊ីគឺក្រុមប្រឆាំងទទួលបានទាំង៣០។ គណបក្សកាន់អំណាចមិនទទួលបានមួយកៅអីណាឡើយ។
ចំនួនពលរដ្ឋទៅបោះឆ្នោតសភា មានតិចជាង ការគ្រោងទុក ។ រដ្ឋមន្ត្រីក្រសួងមហាផ្ទៃលោក Abdolreza Rahmani Fazli បានប្រកាសថា ចំនួនពលរដ្ឋទៅបោះឆ្នោតមានតិច ដោយសារតែ ការបោះឆ្នោតកើតឡើងក្នុងពេលដែលអ៊ីរ៉ង់កំពុងប្រឈមនិងការឆ្លងរាលដាល នៃវីរុស កូវីដ-១៩។
នៅក្នុងការបោះឆ្នោតលើកនេះមានបេក្ខភាពដល់ទៅ៧ពាន់នាក់ ប្រជែងកៅអី១៩០ក្នុងសភា អាណត្តិ៤ឆ្នាំ។ តាមច្បាប់បោះឆ្នោត បេក្ខភាពទាំងអស់ត្រូវតែទទួលបានការគាំទ្រយ៉ាងតិច២០ភាគរយ ទើបជាប់ជាតំណាងរាស្ត្រ ហើយបើគ្មានបេក្ខភាពណាមួយទទួលបានការគាំទ្រ២០ភាគរយនិងត្រូវរៀបចំបោះឆ្នោតជាថ្មីនៅក្នុងតំបន់នោះ ៕
