សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ មុខសញ្ញាសង្ស័យ ពាក់ព័ន្ធករណីជួញដូររក្សាទុកសារធាតុញៀនខុសច្បាប់ ត្រូវត្រូវបានកម្លាំងនគរបាលស្រាវជ្រាវបង្រ្កាបបានជាបន្ដបន្ទាប់៣នាក់ ដោយដកហូតបានថ្នាំញៀន៣២កញ្ចប់ ព្រមទាំងប្រដាប់ប្រដាបម្រើការជក់ និងលក់មួយចំនួនទៀត ។
ក្រោយឃាត់ខ្លួន ជនសង្ស័យបានឆ្លើយសារភាពថា ពួកគេពិតជាបានប្រព្រឹត្តការជួញដូរប្រាកដមែន ។
ការឃាត់ខ្លួននេះ ធ្វើឡើងកាលពីវេលាម៉ោង ១១: ៤០នាទី ថ្ងៃទី២៥ ខែកុម្ភៈ ឆ្នាំ២០២០ នៅចំណុចភូមិចាក់កាំបិត ឃុំវល្លិស ស្រុកសំរោងទង ខេត្តកំពង់ស្ពឺ ។
ប្រភពពីកំលាំងនគរបាលស្រុកសំរោងទង បានអោយដឹងថា ដោយបានគោលការណ៍ឯកភាព និងចង្អុលការណែនាំដ៏ខ្ពង់ខ្ពស់ពីរលោកឧត្ដមសេនីយ៍ទោ សម សាមួន ស្នងការ នគរបាលខេត្ត និងមានកិច្ចសហការពីគណៈកម្មាការគ្រឿងញៀនថ្នាក់ស្រុក កងកម្លាំងនគរបាល អធិការដ្ឋាននគរបាលស្រុក ក្រុង បានស្រាវជ្រាវ និងបង្រ្កាបបានមុខសញ្ញាសង្ស័យពាក់ព័ន្ធករណីគ្រឿងញៀនជាបន្ដបន្ទាប់ និងបានកសាងបញ្ជូនទៅស្ថាប័នអយ្យការ អមសាលាដំបូងខេត្ដកំពង់ស្ពឺចាត់ការតាមនីតិវិធី ។
ក្នុងប្រតិបត្តិការនេះ សមត្ថកិច្ច បានស្រាវជ្រាវបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន ២នាក់ កាលពីវេលាខាងលើ ១-ឈ្មោះ កង ហ៊ីមប៊ុនឡុង ហៅ បារាំង ភេទ ប្រុស អាយុ ២០ឆ្នាំ ២-ឈ្មោះ ឡន ពិសី ហៅ ប៊ឹក ភេទ ប្រុស អាយុ ២៥ឆ្នាំ។បន្ទាប់ពីឃាត់ខ្លួនមុខសញ្ញាទាំង២ សមត្ថកិច្ចបានដកហូតម្សៅក្រាម ពណ័សថ្លា សង្ស័យជាគ្រឿងញៀន ២៥កញ្ចប់ និង ទូរស័ព្ទដៃ ១ គ្រឿង ។
សូមរំលឹកថា កាលពីវេលាម៉ោង១២និង២០នាទី ថ្ងៃទី២៤ ខែកុម្ភៈ ឆ្នាំ២០២០ នៅចំណុចភូមិព្រៃរំដួល ឃុំសែនដី កំលាំងនគរបាលស្រុកសំរោងទង សមត្ថកិច្ចបានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន ១នាក់ឈ្មោះ ចិន ឌីត ភេទ ប្រុស អាយុ ២៣ឆ្នាំនៅភូមិស្រះស្រង់ ឃុំសែនដី ស្រុកសំរោងទង ។
សមត្ថកិច្ចបានធ្វេីការដកហូតម្សៅក្រាមពណ៌ សថ្លាសង្ស័យជាគ្រឿងញៀន ៧កញ្ចប់ , ជញ្ជីងថ្លឹងគ្រឿងញៀន ១ គ្រឿង ,ទូរស័ព្ទដៃ ១ គ្រឿង។
ក្រោយពីសមត្ថកិចឃាត់ខ្លួនក្រុមជនសង្ស័យបានឆ្លើយសារភាពថា ពួកគេពិតជាបានប្រព្រឹត្តដូច សមត្ថកិច្ចស្រាវជ្រាវរកឃើញប្រាកដមែន។
បច្ចុប្បន្នជនសង្ស័យរួមជាមួយវត្ថុតាងបានបញ្ជូនមកការិយាល័យជំនាញ នៃស្នងការដ្ឋាននគរបាលខេត្ដកំពង់ស្ពឺ ដេីម្បីកសាងសំណុំរឿង បញ្ជូនទៅអយ្យការ អមសាលាដំបូងខេត្ដកំពង់ស្ពឺ ចាត់ចាត់ការតាមនីតិវិធី ៕ សេនាស័ក្តិ
