សារព័ត៌មាន នគរវត្ត តែងតែនាំមុខគេជានិច្ច
ព័ត៌មានកីឡារ ៖ ការប្រកួតដ៏ជក់ចិត្ត Clasico គឺក្រុមខ្លាំង Barcelona ប៉ះក្រុមខ្លាំង Real Madrid បានបញ្ចប់ហើយក្នុងលទ្ធផល ២ទល់០ ។ Barcelona ធ្លាប់ឈ្នះReal Madrid ៤ប្រកួតជាប់គ្នាក្នុងទឹកដី Bernabeu ធ្វើឱ្យពួកគេក្លាយជាក្រុមតែមួយគត់ដែលមានប្រវត្តិឈ្នះ Real Madrid ក្នុងលីគកំពូលអេស្ប៉ាញក្រៅទឹកដីខ្លួនឯង ក្នុងការប្រកួតជាប់ៗគ្នាច្រើនជាងគេ។ ជ័យជម្នះរបស់ Real Madrid លើ Bacelona គឺក្នុងខែមេសា ឆ្នាំ២០១៦។
គ្រាប់បាល់របស់កីឡាករ Vinicius Junior និង Mariano Diaz បានបញ្ចប់ការរង់ចាំ ៤ឆ្នាំរបស់អ្នកគាំទ្រក្លិប Real Madrid។ មុនពេលដែលVinicius រកបានគ្រាប់បាល់នៅនាទី៧១ Real Madrid ទំនងជាអាចនឹងទទួលបានលទ្ធផលប្រហាក់ប្រហែលនឹងការប្រកួតមុនៗដែរ។
ជាមួយនឹងជ័យជម្នះកាលពីយប់ថ្ងៃអាទិត្យ ឈានចូលព្រឹកថ្ងៃចន្ទនេះលោក Zidane សង្ឃឹមថាអាចបិទបញ្ចប់សម័យកាលមួយដែលមិនគួរឱ្យចងចាំសម្រាប់ Real Madrid។
សារព័ត៌មាន Mundo Deportivo បានផ្សាយថា គ្រូបង្វឹក Barcelonaលោក Setien គ្រូបាននិយាយថា “កាលពីសប្ដាហ៍មុន យើងឈ្នះ ២ពិន្ទុ។ ឥឡូវនេះ ពួកគេឈ្នះមួយពិន្ទុវិញម្ដង។ យើងនៅមានឱកាសទៀត ហើយការប្រជែងដណ្ដើមពាននេះអាចមានការប្រែប្រួលច្រើន។
លោក Setien បាននិយាយបន្ថែមទៀតថា “នេះជាបរាជ័យដ៏ជូរចត់ ប៉ុន្តែយើងអាចប្រឹងប្រែងឡើងវិញបាន។ យើងនឹងពិនិត្យមើលថាតើយើងត្រូវកែលម្អចំណុចណាខ្លះ។
បរាជ័យលើកនេះបានបញ្ចប់ជ័យជម្នះ៤ប្រកួតជាប់គ្នារបស់Barcelona ក្នុងលីគកំពូលអេស្ប៉ាញ ដែលពេលនេះ ពួកគេមាន៩ពិន្ទុ នាំមុខក្លិបដែលឈរនៅចំណាត់ថ្នាក់ទី៣៕ដោយ ភារៈ
