កម្លាំងអធិការដ្ធាននគរបាលស្រុកព្រៃនប់ឃាត់ខ្លួនជនសង្ស័យ០១នាក់ ជួញដូរនិងរក្សានូវសារធាតុញៀន

ព្រះសីហនុ៖ នៅល្ងាចថ្ងៃ​ទី០១ ខែមីនា ឆ្នាំ​២០២០ កម្លាំង​ជំនាញ​អធិការ​ដ្ឋាន​នគរបាល​ស្រុក​ព្រៃនប់ បានចុះបង្រ្កាបករណីជួញដូរ និងរក្សាទុកនូវសារធាតុញៀនខុសច្បាប់មួយកន្លែងស្ថិតនៅភូមិស្រែក្នុង ឃុំអូរជ្រៅ ស្រុកព្រៃនប់ ខេត្តព្រះសីហនុ ឃាត់ខ្លួនជនសង្ស័យម្នាក់ ឈ្មោះ ស្មាន អៃយូប ភេទ ប្រុស អាយុ ៣៥ ឆ្នាំ មុខរបរកម្មករសំណង់ មានទីលំនៅភូមិស្រែក្នុង ឃុំអូរជ្រៅ ស្រុកព្រៃនប់ ខេត្តព្រះសីហនុ ។

 ដកហូតវត្ថុតាងមានម្សៅក្រាមសថ្លាសង្ស័យសារធាតុញៀនចំនួន០៤ កញ្ចប់(ធំ០៣ តូច០១)និងទូរស័ព្ទដៃចំនួន០១ គ្រឿង បច្ចុប្បន្នសមត្តកិច្ចកំពុងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនិតិវិធីច្បាប់៕  ឆ្លាម សមុទ្រ