ឃាត់ខ្លួនជនសង្ស័យ៤នាក់យកអាវុធមុខស្រួចចាក់ជនរងគ្រោះរងរបួសធ្ងន់ហើយស្លាប់ពេលបញ្ចូនទៅពេទ្យ

កំពង់ធំ៖ នគរបាលស្រុកតាំងគោកឃាត់ខ្លួនជនសង្ស័យ៤នាក់ដែលបានយកអាវុធមុខស្រួចចាក់ពីក្រោយចំឆ្អឹងជំនីខាងស្តាំជនរងគ្រោះពេលដែលកំពុងរាំធុងបាស់បណ្តាលអោយជនរងគ្រោះរងរបួសធ្ងន់ហើយស្លាប់នៅតាមផ្លូវខណៈពេលបញ្ជូនទៅសង្គ្រោះនៅមន្ទីរពេទ្យ កាលពីវេលាម៉ោង២២និង០៥នាទីថ្ងៃទី ២៩ ខែកុម្ភ: ឆ្នាំ២០២០ នៅក្នុងកម្មវិធីមង្គការស្ថិតនៅភូមិចាន់ ឃុំច្រនាងស្រុកតាំងគោក ខេត្តកំពង់ធំ ។
សមត្ថកិច្ចបានអោយដឹងថាជនរងគ្រោះឈ្មោះ ងិន ភារិន ភេទ ប្រុស អាយុ១៩ឆ្នាំ រស់នៅភូមិ ឃុំកើតហេតុត្រូវអ្នកជិតខាងកូនក្រមុំ បានចូលរួមផឹកស៊ី ពេលកំពុងរាំបទញាក់ៗ ស្រាប់តែជនសង្ស័យបានយក វត្ថុមុខស្រួចចាក់ពីក្រោយចំឆ្អឹងជំនីខាងស្តាំ បណ្តាលអោយរបួសធ្ងន់០១កន្លែង ពេលបញ្ជូនទៅសង្គ្រោះបានស្លាប់តាមផ្លូវ។
ជនសង្ស័យមានគ្នាចំនួន០៤នាក់ ៖ទី១: ឈ្មោះ ឈីន រដ្ឋា ភេទប្រុស អាយុ ១៩ឆ្នាំ រស់នៅភូមិអមទង ឃុំពង្រ ស្រុកតាំងគោក ខេត្តកំពង់ធំ របួសជាំភ្នែកខាងស្តាំ (ឃាត់ខ្លួន) ។ ទី២: ឈ្មោះ កៅ ចន្តា ភេទប្រុស  អាយុ ២០រស់នៅភូមិស្រះសំបួរ ឃុំពង្រ ស្រុកតាំងគោក ខេត្តកំពង់ធំ របួសបែកចង្កា (ឃាត់ខ្លួន)។ ទី៣: ឈ្មោះ យ៉ាន សុភា ភេទប្រុស អាយុ ២០ឆ្នាំរស់នៅភូមិ/ឃុំជាមួយគ្នាមិនមានរបួស(ឃាត់ខ្លួន) និងទី៤: ឈ្មោះ ណាត ណាឡុច ភេទប្រុស អាយុ ២២ឆ្នាំ រស់នៅភូមិ/ឃុំជាមួយគ្នា របួសបែកចិញ្ចើមខាងស្តាំ  ជាជនដៃដល់កំពុងសម្រាកព្យាបាលនៅមណ្ឌលសុខភាពតាំងគោក(ឃាត់ខ្លួន)។
ជនសង្ស័យទាំងបួននាក់ខាងលើនឹះមានមុខរបរជាកម្មករជាងឈើ តាមការសន្និដ្ឋានរបស់សមត្ថកិច្ចជំនាញករណីអំពើហឹង្សាដោយចេតនាមានអាវុធនិងបក្សពួកផ្តើមចេញទំនាស់ក្នុងវង់រាំ សមត្ថកិច្ចជំនាញយើងកំពុងស្រាវជ្រាវកសាងសំណុំរឿងតាមនីតិវិធីច្បាប់៕ ប៊ុនរិទ្ធី