ប្រមុខការពារជាតិ ផ្តល់ម៉ាស់ និងសំលៀកបំពាក់ការពារជំងឺឆ្លង ជាពិសេសវីរុស Covid-19 ដល់ក្រសួងការពារប្រទេសចិន

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ ប្រកាសថាថ្ងៃនេះថាៈ ក្រសួងការ ពារជាតិផ្តល់ម៉ាស់ រួមនិងសំលៀកបំពាក់ការពារការឆ្លងមេរោគមួយចំនួនដល់ប្រទេសចិន បង្កានូវការឆ្លងវីរុស កូរ៉ូណាថ្មីឬ (Co vid-19) ខណៈមេរោគនេះ  កំពុងរាតត្បាតយ៉ាងខ្លាំងនៅប្រទេ  សចិន និងបណ្តាប្រទេសមួយចំនួនទៀតនៅលើពិភពលោក។

ការប្រកាសបែបនេះ របស់ប្រមុខការពារជាតិ ធ្វើឡើងនៅព្រឹកថ្ងែចន្ទ ៩កេីត ខែ ផល្គុន ឆ្នាំ កុរ ឯកស័ក ព.ស ២៥៦៣ ត្រូវនិងថ្ងៃទី ២ ខែ មីនា ឆ្នាំ ២០២០ នាស្ថានទូតសាធារណរដ្ឋប្រជាមា និតចិន ក្នុងឱកាសដែលសម្តេចអញ្ជើញជាអធិបតី ក្នុងពិធីប្រ គល់-ទទួលសម្ភារការពារទប់ស្កាត់វីរុសកូរូណា “covit-១៩” រប ស់ក្រសួងការពារជាតិ ព្រះរាជាណាចក្រកម្ពុជា ជូនក្រសួងការ ពារប្រទេសចិន។      

ពាក់ព័ន្ធនឹងការផ្តល់ម៉ាស់និងសំលៀកបំពាក់ការពារជំងឺឆ្លង ពិ សេសវីរុស Covid-19 ដល់ក្រសួងការពារប្រទេស សាធារណ រដ្ឋប្រជាមានិតចិននាពេលនេះ បង្ហាញនូវសន្តានចិត្តរវាងមិត្ត ភាព និងកិច្ចសហប្រតិបត្តិការ គ្រប់ជ្រុងជ្រោយរវាងប្រទេសយេីងទាំងពីរ ចូលរួមរំលែកការលំបាកដល់កងទ័ព ប្រជាជន និងរដ្ឋាភិបាលចិន។

ជាមួយគ្នានោះដែរ សម្តេចពិជ័យសេនា ទៀ បាញ់ ក៏បានអំពាវ នាវដល់នាយទាហាន  នាយទាហានរង ពលទាហានទាំងអស់ ត្រូវចូលរួមសហការគ្នា ជាមួយក្រសួងសុខាភិបាល ដើម្បីបង្ការ ទប់ស្កាត់នូវជំងឺផ្លូវដង្ហើមថ្មីកូរ៉ូណា ឬ (Covid-19) ខណៈជំងឺនេះកំពុងរាតត្បាត នៅទូទាំងពិភពលោក បណ្តាលឱ្យមនុស្សរាប់ពាន់នាក់ស្លាប់ និងរាប់ម៉ឺននាក់កំពុងបន្តឆ្លងនូវមេរោគនេះ ជាបន្តបន្ទាប់នោះ។

សម្តេចពិជ័យសេនា ទៀ បាញ់ បន្តទៀតថាៈ នាពេលកន្លងទៅក្រសួងសុខាភិបាលបានធ្វើការណែនាំច្រើនមកហើយ ដោយឱ្យប្រជាពលរដ្ឋ មានការប្រុងប្រយ័ត្ន និងត្រូវចេះការពារនូវជំងឺ (Covid-19) ដូច្នេះ ក្នុងនាមយើងជាកងទ័ពត្រូវចូលរួមអនុវត្តការណែនាំនេះឱ្យបានល្អ ការពារនូវមេរោគមួយនេះ។ 

គួររំឮកផងដែរថារយៈពេលកន្លងមកនេះ រដ្ឋបាលខេត្តសៀម   រាប  ក៏បានចូលរួមផ្តល់ម៉ាសវេជ្ជសាស្រ្តចំនួន ៥៩,៥០០ ដល់កាកបាទក្រហមនៃខណ្ឌ Wanzhou ទីក្រុង Chongqing ប្រ ទេសចិនផងដែរ៕ ដោយ សុខដុម