សារព័ត៌មាន នគរវត្ត តែងតែនាំមុខគេជានិច្ច
កំពង់ឆ្នាំង៖ ស្ត្រីជាម្តាយបានស្លាប់ភ្លាមៗបន្ទាប់ពីកូនប្រុសរបស់ខ្លួនបានដាច់បង្អោងពេលឡើងត្នោតធ្លាក់មកលើម្តាយ បណ្តាលអោយស្លាប់ភ្លាមៗតែម្តង ។ ករណីកូនធ្លាក់ពីលើដើត្នោតស្លាប់ម្តាយនេះបានកើតឡើងកាលពីវេលាម៉ោង៨និង៥៥នាទី ថ្ងៃទី៥ ខែមិនា ឆ្នាំ២០២០ នៅក្នុងភូមិវត្តថ្មី ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ។
ម្តាយដែលរងគ្រោះស្លាប់នេះមានឈ្មោះ តឹក លីអាយុ៤៩ឆ្នាំ រស់នៅក្នុងភូមិ ឃុំកើតហេតុ ខាងលើ ។
ប្រភពនៅកន្លែងកើតហេតុបានអោយដឹងថា នៅមុនពេលកើតហេតុ ស្រ្តីជាម្តាយបានប្រើកូនប្រុសអាយុ១៣ឆ្នាំអោយឡើងដើមត្នោត ដើម្បីកាប់ធាងត្នោត ពេលដែលកូនប្រុសឡើងដើមត្នោតនោះម្តាយបានអង្គុយនៅក្រោមដើមត្នោត ស្រាប់តែកូនឡើងបានមួយសន្ទុះបានដាច់បង្អោងបាក់ធ្លាក់កូនប្រុសមកដី មកចំម្តាយដែលនៅខាងក្រោម បណ្តាលអោយម្តាយស្លាប់ភ្លាមៗតែម្តង ។ ក្រោយពេលកើតហេតុ សមត្ថកិច្ចបានទៅដល់កន្លែងកើតហេតុ និង ពិនិត្យមើលសពស្រ្តីរងគ្រោះ និង បានសន្និដ្ឋានថា ស្រ្តីរងគ្រោះពិតជាបានស្លាប់ដោយសារកូនធ្លាក់ពីលើដើមត្នោតពិតប្រាកដមែន ។ ចន្ថា
