ជិះម៉ូតូចេញពីពីធីបុណ្យភូមិត្រូវជនសង្ស័យវាយប្លន់យកម៉ូតូគេចខ្លួនបាត់

ភ្នំពេញ​៖​ យុវជន៣នាក់ជិះម៉ូតូ២គ្រឿងចេញពីរាំលេងកម្សាន្តពីធីបុណ្យភូមិបំណងទៅផ្ទះខណះមកដល់ពាក់កណ្តាលផ្លូវក៏ជួបជនសង្ស័យមួយក្រុមមកធ្វេីសកម្មភាពវាយប្លន់យកម៉ូតូមួយគ្រឿងហេីយគេចខ្លួនបាត់ស្រមោលកាលពីវេលាម៉ោង ១១និង ១៥នាទីយប់ថ្ងៃទី០៧ ខែមីនា ឆ្នាំ២០២០ ត្រង់ចំណុចវាលស្រែ ក្នុងភូមិចម្ការត្បែង សង្កាត់សំរោងក្រោម ខណ្ឌពោធិ៍សែនជ័យ ។

ជនរងគ្រោះទី១ឈ្មោះ សុខ ជា ភេទប្រុស អាយុ ៣២ ឆ្នាំ មុខរបរជាងឡាន ស្នាក់នៅភូមិគោកព្រិច សង្កាត់សំរោងក្រោម ខណ្ឌពោធិ៍សែនជ័យ​ ម្ចាស់ម៉ូតូម៉ាក ស៊ុយសាគីឡែត ពណ៌ស មិនចាំផ្លាកលេខ និងទី២ឈ្មោះ រដ្ឋា សុខហេង ភេទប្រុស អាយុ២៥ឆ្នាំ មុខរបរជាងម៉ាស៊ីនត្រជាក់ ស្នាក់នៅភូមិកើតហេតុ ត្រូវក្រុមចោរវាយ បណ្ដាលឲ្យរងរបួសបែកក្បាល។

ប្រភពព័តមានបានឱ្យដឹងដា​ កាលពីល្ងាចថ្ងៃទី០៧ ខែមីនា ឆ្នាំ២០២០ នៅភូមិកើតហេតុ ពលរដ្ឋបាននាំគ្នាប្រារព្ធកម្មវិធីបុណ្យភូមិ ដូចរាល់ដងដែលបានធ្វើជារៀងរាល់ឆ្នាំ បន្ទាប់ពីពួកគាត់ច្រូតកាត់ប្រមូលផលស្រូវវស្សារួច ដោយក្នុងកម្មវិធីនោះ មានការផឹកស៊ីរាំច្រៀងកម្សាន្ត។

តាមសម្តីជនរងគ្រោះបានឱ្យដឹងថា​ មុនពេលកេីតហេតុពួកគាត់មានគ្នា៣នាក់ បានផឹកស៊ីស្រវឹងនៅផ្ទះ បន្ទាប់មកក៏បាននាំគ្នា ជិះម៉ូតូ២គ្រឿង ទៅរាំធុងបាស នៅចុងភូមិ ពេលរាំបានមួយសន្ទុះ ក៏នាំគ្នាជិះម៉ូតូត្រឡប់ទៅផ្ទះវិញ។​លុះមកដល់ចំណុចកើតហេតុ ស្រាប់តែលេចមុខជនសង្ស័យចំនួន៨នាក់ ជិះម៉ូតូ៤ ទៅ៥ គ្រឿង មកស្ទាក់ម៉ូតូជនរងគ្រោះ ខាងក្រោយ ហើយយកដុំថ្ម ប្រួតគ្នាវាយជនរងគ្រោះ បណ្តាលឲ្យរបួសបែកក្បាល។

ភ្លាមៗនោះ ភាគីជនរងគ្រោះ ដែលជិះម៉ូតូនៅខាងមុខ ឃើញហេតុការណ៍មិនស្រួល បានឈប់ម៉ូតូរត់មកជួយ តែមិនបានដកសោម៉ូតូចេញទេ ក៏ត្រូវក្រុមជនសង្ស័យ លួចយកម៉ូតូជនរងគ្រោះ១គ្រឿង ជិះគេចខ្លួនបាត់ ដោយសុវត្ថិភាព។

ក្រោយកើតហេតុជនរងគ្រោះ បានមកដាក់ពាក្យបណ្តឹង នៅប៉ុស្តិ៍នរគបាលរដ្ឋាបាលសំរោងក្រោម ដើម្បីស្រាវជ្រាវ ចាត់ការតាមផ្លូវច្បាប់៕សុខាសែនជ័យ​