ចុះអប់រំផ្សព្វផ្សាយ ស្ដីពីច្បាប់ចរាចរណ៍ផ្លូវគោកដល់លោកនាយកលោកគ្រូអ្នកគ្រូសិស្សានុសិស្ស វិទ្យាល័យ ហ៊ុនសែន ស្វាយជ្រំ ស្ថិតក្នុងឃុំស្វាយជ្រំ ស្រុកស្វាយជ្រំជិត២ពាន់នាក់

ខេត្តស្វាយរៀង៖ ក្រុមការងារមន្ទីរសាធារណការ និងដឹកជញ្ជូនខេត្តស្វាយរៀង បានសហការជាមួយ មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្ត បានរៀបចំកម្មវិធីចុះអប់រំផ្សព្វផ្សាយ ស្ដីពីសុវត្ថិភាពចរាចរណ៍ផ្លូវគោក ដល់លោកនាយកសាលា លោកគ្រូ អ្នកគ្រូ សិស្សានុសិស្ស វិទ្យាល័យ ហ៊ុនសែន ស្វាយជ្រំប្រមាណជិត២ពាន់នាក់។

ការចុះអប់រំផ្សព្វផ្សាយ ស្ដីពីសុវត្ថិភាពចរាចរណ៍ផ្លូវគោកគឺនៅព្រឹកថ្ងៃចន្ទ ១រោច ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៩ ខែមីនា ឆ្នាំ២០២០ស្ថិតនៅឃុំស្វាយជ្រំស្រុកស្វាយជ្រំខេត្តស្វាយរៀង។

 បើតាមមន្ត្រីនៃមន្ទី មន្ទីរសាធារណការ និងដឹកជញ្ជូនខេត្តស្វាយរៀង បានអោយដឹងថាថ្ងៃនេះ

ក្រុមការងារមន្ទីរសាធារណការ និងដឹកជញ្ជូនខេត្តស្វាយរៀង បានសហការជាមួយ មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្ត បានរៀបចំកម្មវិធីចុះអប់រំផ្សព្វផ្សាយ ស្ដីពីសុវត្ថិភាពចរាចរណ៍ផ្លូវគោក ដល់សិស្សានុសិស្ស ដោយមានការចូលរួមពីលោកនាយកសាលា លោកគ្រូ អ្នកគ្រូ និងសិស្សានុសិស្ស សរុបចំនួន ១៩៤៧នាក់ ស្រីចំនួន ១០០៧នាក់ ។

ប្រភពបានបន្ថែមថាកម្មវិធីអប់រំផ្សព្វផ្សាយនាពេលនេះ រៀបចំឡើងដើម្បីផ្ដល់នូវចំណេះដឹងបន្ថែម ពីសុវត្ថិភាពចរាចរណ៍ផ្លូវគោក ដល់អ្នកប្រើប្រាស់ផ្លូវ ជាពិសេសសិស្សានុសិស្ស ដែលស្ថិតក្នុងវ័យប្រើប្រាស់កង់ និងម៉ូតូជាមធ្យោបាយធ្វើដំណើរ ដែលជាជនងាយរងគ្រោះ ។

ដោយកម្មវិធីអប់រំផ្សព្វផ្សាយនេះ បានចែកជូននូវឯកសារពាក់ព័ន្ធ ពីសុវត្ថិភាពចរាចរណ៍ផ្លូវគោក និងមានការរៀបចំជាកម្មវិធីសំនួរ ចម្លើយស្តីពីច្បាប់ និងសុវត្ថិភាពចរាចរណ៍ផ្លូវគោក អ្នកដែលឆ្លើយត្រូវទទួលបានមួកសុវត្ថិភាពពីក្រុមការងារ ។

ប្រភពបន្ថែមថាការចែកមួកសុវត្ថិភាព និងឯកសារដែលក្រុមការងាររួមមាន៖

មួកសុវត្ថិភាព ចំនួន ០៦មួក

សៀវភៅ អ្នកបើកបរទោចក្រយានយន្តត្រូវយល់ដឹង ចំនួន ៤០០ក្បាល

សៀវភៅច្បាប់ ស្ដីពីចរាចរណ៍ផ្លូវគោក ចំនួន ១២០ក្បាលឯកសារជំនួយស្មារតី ស្ដីពីសុវត្ថិភាពចរាចរណ៍ផ្លូវគោក ចំនួន ៣០០ក្បាលថ្ងៃនេះ ថ្ងៃស្អែក កុំអោយមានគ្រោះថ្នាក់ចរាចរណ៍ ចំនួន ១០សន្លឹកផងដែរ។ យឹម សុថាន