រថយន្តពីរគ្រឿងបើកបុកគ្នាពេញទំហឹងបណ្តាលឲ្យរងការខូតខាតយ៉ាងដំណំ

ភ្នំពេញ៖ រថយន្តពីរគ្រឿងបើកបរខ្វះការប្រុងប្រយ័ត្នបុកគ្នាពេញទំហឹងបណ្តាលឲ្យរងការខូតខាត ។ ហេតុការណ៍នេះកើតឡើងកាលពីវេលាម៉ោង១១ និង៣០នាទីយប់ ថ្ងៃទី៩ ខែមិនា ឆ្នាំ២០២០ ស្ថិតនៅតាមបណ្តោយផ្លូវ ៣១០ កែងនិងផ្លូវ ៥៧ សង្កាត់ បឹងកេងកង ខណ្ឌបឹងកេងកង រាជធានី ភ្នំពេញ។

     បើតាមប្រភពព័ត៍មានពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃេីញរថយន្តម៉ាក់ Lexus RX300 មួយគ្រឿងពណ៍ទឹកប្រាក់ ពាក់ស្លាកលេខ ភ្នំពេញ 2N-3821 បើកបរមានគ្នាចំនួួនពីនាក់ ក្នុងទិសដៅពីលិចទៅកើត ស្រាប់តែមកដល់ចំនុចផ្លូវបំបែកជាបួនក៏មានរថយន្តម៉ាក់ Toyota Revo ពណ៌ស ពាក់ស្លាកលេខ ភ្នំពេញ 2AM-9969 ស៊េរីទំនើបមួយគ្រឿងទៀត ធ្វើដំណើរក្នុងទិសដៅពីជើងទៅត្បូងបញ្ច្រាសទិសគ្នា ដោយរថយន្ត Lexus RX300 បើកក្នុងល្បឿនលឿនក៏ជ្រុលទៅបុករថយន្ត Toyota Revo ស៊េរីទំនើបចំពេញទំហឹងរងខូចខាតផ្នែកខាងមុខរួចក៏ទៅបុកផ្លាកសញ្ញាផ្លូវបាក់អស់មួយដើមបន្តទៅបុកបង្គោលភ្លើងមួយតង់ទៀត បណ្តាលឲ្យរងការខូតខាតយ៉ាងដំណំតែងម្តង ដោយឡែកម្ចាស់រថយន្តបង្ករ រងរបួសធ្ងន់ម្នាក់ត្រូវបានបញ្ជូនទៅមន្ទីរពេទ្យភ្លាមៗតែងម្តង។

     ក្រោយកើតហេតុ សមត្ថកិច្ចមូលដ្ឋានបានចុះមកដល់ហើយធ្វើការវាស់វែងយករថយន្តបង្កទៅរក្សាទុកនៅខាងការិយាល័យចរាចរណ៍ផ្លូវគោក នៃស្នងការដ្ឋាន នគរបាលរាជធានីភ្នំពេញ រង់ចាំដោះស្រាយទៅតាម នីតិវិធី៕ ភារ៉ា ដង្កោ