សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់សង្ស័យតែងងុយដេកមួយភាំងបានបើករថយន្តហោះឡើងសួនបុករះចូលផ្ទះអ្នកលក់គ្រឿងសំណង់ និងបណ្ដាលឲ្យមនុស្ស២នាក់រងរបួស កាលពីវេលាម៉ោង១១ថ្ងៃទី១៣ ខែមិនាឆ្នាំ២០២០ ស្ថិតនៅតាមបណ្តោយផ្លូវ២១៧ ភូមិសំបួរ សង្កាត់ដង្កោ ខណ្ឌដង្កោ ។
អ្នកបេីកបររថយន្តបង្ករមានឈ្មោះ ចាន់ រុង អាយុ៣២ឆ្នាំ ស្នាក់នៅម្តុំពោធិចិនតុង ខណ្ឌពោធិ៍សែនជ័យ។
តាមប្រភពព័ត៍មានពីសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តដឹកទំនិញមួយគ្រឿងម៉ាកហ៊ីយ៉ាន់ដាយ ពណ៍ស ពាក់ស្លាកលេខ ភ្នំពេញ2AQ 0336បើកបរទិសដៅពីជើងទៅត្បូងក្នុងល្បឿនលឿន លុះដល់ចំនុចកើតហេតុខាងលើសង្ស័យអ្នកបើកបរងងុយដេកមួយភាំងបានរេចង្កូតបុកឡើងលើសួនច្បារចែកពុះទ្រូងផ្លូវផ្លោងប៉ះចំអ្នកជិះម៉ូតូ២នាក់បណ្តាលឲ្យរងរបួសស្រាល និងជ្រុលបុកចូលផ្ទះលក់គ្រឿងសំណង់រងការខូចខាតម៉ូតូ២គ្រឿទៀត រួមនិងសម្ភារះម្ចាស់ផ្ទះយ៉ាងដំណំ។
ភ្លាមៗនោះអ្នកបើកបរបានបើកទ្វាររត់យន្តចុះរត់គេចខ្លួនតែត្រូវបានម្ចាស់ផ្ទះដេញស្ទាក់ឃាត់ខ្លួនបានប្រគល់ឲ្យទៅសមត្ថកិច្ចយកទៅសាកសួនិងចាត់ការតាមនិតិវិធី។
នៅចំពោះមុខសមត្ថកិច្ចអ្នកបេីកបររថយន្តបានឆ្លេីយប្រាប់ថា រូបគេបេីករថយន្តគេចពីរថយន្តមួយគ្រឿងទៀតហេីយច្រឡំជាន់ហ្គែថាហ្វ្រាំងធ្វើឱ្យរថយន្តជ្រុលហោះឡេីងលេីសួននិងចូលផ្ទះបែបនេះ។
ក្រោយពេលកេីតហេតុសមត្ថកិច្ចជំនាញចរាចរណ៍ខណ្ឌដង្កោបានចុះធ្វេីការវាសវែងយករថយន្តបង្កយកទៅរក្សាទុកនៅអធិការដ្ឋាននគរបាលខណ្ឌដង្កោដើម្បីដោះស្រាយគ្នានៅពេលក្រោយ៕ ដោយ ៖ ភារ៉ា ដង្កោ
