រថយន្តបុករះម៉ូតូពីរគ្រឿងបណ្តាលឱ្យមនុស្សស្លាប់ម្នាក់និងម្នាក់ទៀតរងរបួសធ្ងន់

ខេត្តក្រចេះ ​​៖ រថយន្តមួយគ្រឿងបុករះម៉ូតូចំនួនពីរគ្រឿងបណ្តាលបុរសវ័យចំណាស់ម្នាក់បានស្លាប់នៅនិងកន្លែងម្នាក់ទៀតរងរបួសធ្ងន់ ។

ហេតុការណ៍នេះបានកេីតឡេីង នៅរសៀលថ្ងៃទី១៥ខែមិនាឆ្នាំ២០២០លើកំណាត់ផ្លូវជាតិត្រង់ចំណុចខ្លាស្ទុះមុខទីបញ្ជាការមូលដ្ឋានកងរាជអាវុធហត្ថខេត្តក្រចេះ ស្ថិតក្នុងភូមិអូរឫស្សី១ សង្កាត់អូរឫស្សី ក្រុងក្រ ចេះ ខេត្តក្រចេះ ។

ប្រភពពីមន្ត្រីផែនចរាចរណ៍ក្រុងក្រចេះបានឱ្យដឹងថាករណីគ្រោះថ្នាក់ចរាចរណ៍នេះកើតឡើងដោយរថយន្តម៉ាកកាមរីឆ្លាមពាក់ស្លាកលេខភ្នំពេញ២Q.៨៥៨៤អ្នក បើកបរមិនស្គាល់អត្តសញ្ញាណបើកបរមានទឹសដៅពីលិចទៅកើតមកដល់ចំណុចខាងលើបានរ៉េចង្កូតទៅបុករះម៉ូតូចំនួន០២គ្រឿងនោះបណ្តាលឱ្យមនុស្សម្នាក់ស្លាប់និងម្នាក់ទៀតរងរបួសធ្ងន់។

ជនរងគ្រោះទី១ អ្នកបើកបរម៉ូតូឈ្មោះ កែវ ស្រីម៉ាច ភេទស្រី អាយុ២១ឆ្នាំ (របួសធ្ងន់)មានទីលំនៅភូមិ១សង្កាត់រកាក ណ្តាល ក្រុងក្រចេះខេត្តក្រចេះ ។

ជនរងគ្រោះទី២ អ្នកបើកបរម៉ូតូ បរឈ្មោះ ម៉ម យឿន ភេទប្រុសអាយុ៧៥ឆ្នំា​​​​​មានទីលំ នៅភូមិស្រែស្តៅសង្កាត់អូរឫ្សី ក្រុងក្រចេះខេត្តក្រចេះបានស្លាប់នៅពេលបញ្ជូនដល់មន្ទីរពេទ្យខេត្ត។

ឯរថយន្តត្រូវបានអ្នកបើកបរយកទៅទុកនៅក្នុងយានដ្ឋានជាង លុច ស្ថិតក្នុងភូមិស្រែស្តៅ សង្កាត់អូរឫស្សី ក្រុងក្រចេះ ខេត្ត ក្រចេះ ។

ក្រោយកេីតហេតុសមត្ថកិច្ចបានធ្វេីការវាស់វែងធ្វេីកំណត់ហេតុប្រគល់សាកសពជនរងគ្រោះឱ្យក្រុមគ្រួសារយកទៅធ្វើបុណ្យតាមប្រពៃណីផងដែរ។ ​​

អ្នករងរបួសធ្ងន់ត្រូវបានក្រុមគ្រួសារដឹកយកទៅព្យាបាលនៅពេទ្យបង្អែកខេត្តក្រចេះ។

រថយន្តបង្កហេតុនិងម៉ូតូចំនួនពីរគ្រឿងបានដឹកយកមករក្សាទុកនៅអធិការដ្ឋាននគរបាលក្រុងក្រចេះជាបណ្តោះអាសន្នរងចាំការដោះស្រាយតាមនីតិវិធីច្បាប់តាមក្រោយ៕ដោយ៖ជីវ័ន្ត