កម្មករសំណង់ម្នាក់ ធ្លាក់ពីលើជាន់ទី១០នៃ អគារខុនដូរPG DREAM RESIDENCES ស្លាប់

ភ្នំពេញ៖ បុរសកម្មករសំណង់ ម្នាក់ បានធ្លាក់ពីលើជាអគារខុនដូរ  PG DREAM RESIDENCES ជាន់ទី១០ ខាងក្រុមហ៊ុនព្យាយាមលាក់បាំងព័ត៍មាន ។

ហេតុការណ៍ គ្រោះថ្នាក់នេះបានកើតឡើងកាលពីព្រឹកថ្ងៃទី១៦ ខែ មីនា ឆ្នាំ ២០២០ នៅអគាខុនដូរ ដែលស្ថិតនៅស្របនឹងប្រឡាយបាក់ទូក ក្នុងភូមិ បាក់ទូកសង្កាត់ទួលសង្កែទី១ ខណ្ឌឬស្សីកែវ។

 ជនរងគ្រោះ  ត្រូវបានគេស្គាល់ឈ្មោះជា ភេទប្រុសអាយុ ៣២ឆ្នាំ ជាជាងសំណង់ ស្នាក់នៅ បន្ទប់លេខ ២ ផ្សារ សុភមង្គល  ភូមិ បាក់ទុក សង្កាត់ទួលសង្កែទី១ និងមានស្រុកកំណើតនៅខេត្តកំពង់ធំ។

តាមសេចក្តីរាយការណ៍បានអោយ ដឹងថា នៅមុនពេលកើតហេតុនៅវេលាម៉ោងប្រមាណជាង៧ព្រឹក គេឃើញកម្មកររូបនោះ បានឡើងធ្វើការ នៅជាន់ទី១០ ហើយដោះត្រាពុម្ពចេញតែមិនដឹងមូលហេតុអ្វីក៍បានរអិលធ្លាក់ មកក្រោយបោកក្បាល ស្លាប់តែម្តង ។

សេចក្តីរាយការណ៍បានអោយដឹងទៀតថា  បន្ទាប់ពីមានកម្មករ ធ្លាក់ស្លាប់ បែបនេះកម្មករ ទាំងអស់មិនអនុញ្ញាតិអោយចេញក្រៅឡើយ ។ ភ្លាមៗ សពត្រូវបានបុគ្គលិក ដឹក តាមម៉ូតូកង់៣ បញ្ជូនទៅតំកល់នៅឈាបនដ្ឋាន វត្តទួលអស់លោក រងចាំ នគរបាលចុះទៅត្រួតពិនិត្យ ។

ប្រភពព័ត៌មានខាងលើអោយដឹងទៀត ថា បន្ទាប់ពីមានមនុស្សធ្លាក់ស្លាប់នគរបាលប៉ុស្តិ៍ ទួលសង្កែទី១ និងនគរបាលខណ្ឌក៍បានចុះទៅសាកសួរនិងទាក់ទងនគរបាលជំនាញចុះទៅពនិត្យ ផងដែរ ។

លោកហ៊ាង ថារ៉េត អធិការនគរបាលខណ្ឌឬស្សីកែវ បានប្រាប់អ្នកយកពត័មានអោយ ដឹងថា  កម្មករ រូបនោះបានរអិលជើង ធ្លាក់ពីលើ អគារបណ្តាលអោយស្លាប់  ។ ដោយឡែកទាក់ទិនករណី កម្មករធ្លាក់ស្លាប់នេះខាង រដ្ឋបាលខុនដូរ  PG DREAM RESIDENCES  បានធ្វើការបដិសេធដោយអោយដឹងតាមទួរស័ព្ទថា មិនមានកម្មករធ្លាក់ស្លាប់នោះទេ ។ ទោះបីមានការលាក់លៀមយ៉ាងណា ក៍ដោយក៍ប្រជាពលរដ្ឋ នៅក្បែរខាងក៍ដូចជា មិត្តិភក្កិ អ្នកដែលស្លាប់នៅ ក្បែរគ្នា ក៍បានអោយដឹងថា ជនរងគ្រោះពិតជាធ្លាក់ពីលើ អគារខុនដូរ ដូរ  PG DREAM RESIDENCESនេះស្លាប់ពិតប្រាកដមែន ៕អរុណរះ