សារព័ត៌មាន នគរវត្ត តែងតែនាំមុខគេជានិច្ច
កីឡាករខ្សែប្រយុទ្ធមាឌធំ Ighalo ត្រូវបានក្រុមបិសាចក្រហមManchester United ចង់ទិញយកដាច់តែម្ដងពីក្រុមនៅប្រទេសចិន ក្នុងតម្លៃ១៥លានផោនដោយសារកីឡាកររូបនេះបានធ្វើឱ្យអ្នកគាំទ្រពេញចិត្តជាខ្លាំង។ ខ្សែប្រយុទ្ធវ័យ៣០ឆ្នាំរូបនេះ បានបង្ហាញថាខ្លួនពិតជាចង់លេងនៅ Old Trafford ខ្លាំងមែនទែន។
ពេលដែលក្លិបបិសាចក្រហមខ្ចីជើងក្នុងរដូវកាលនេះ Ighalo លេង៨ប្រកួតរកបាន៤គ្រាប់ បានធ្វើឱ្យអ្នកចាត់ការទូទៅក្លិបបិសាចក្រហមលោក Ole ពេញចិត្តយ៉ាងខ្លាំង។ រហូតដល់ពេលនេះ មានដំណឹងមកថា ពួកគេចង់បាន Ighalo ដាច់តែម្ដងហើយ ក្នុងតម្លៃ១៥លានផោន។
ការឲ្យតម្លៃខ្លួនរបស់ក្លិបបិសាចក្រហមពេលនេះត្រូវបានខក្លិប Shanghai Shenhua អាចនឹងពិចារណាលក់កីឡាករសញ្ជាតិនីហ្សេរីយ៉ារូបនេះចេញមិនខាន៕ ដោយ៖ ភារៈ
