សង្ស័យស្រវឹងស្រាជ្រុល​ បុរសម្នាក់ជិះម៉ូតូទៅបុករបងផ្ទះប្រជាពលរដ្ឋរបួសធ្ងន់បង្ករការភ្ញាក់ផ្អើលទាំងយប់

 ភ្នំពេញ៖ បុរសម្នាក់ទំនងជាស្រវឹងស្រារបានជិះម៉ូតូរេ ចង្កូតជ្រុលទៅបុកនិងរបងផ្ទះប្រជាពលរដ្ឋ ពេញទំហឹង បណ្ដាលបោកផ្ទប់និងជញ្ជាំងរងរបួសធ្ងន់ធ្ងរ ត្រូវបាន រថយន្តសង្គ្រោះដឹកយកទៅសង្គ្រោះ នៅគ្លីនិកឯកជន ភ្លាមៗ ហេតុការណ៍នេះ បានកេីតឡេីងនៅវេលាម៉ោង ១១និង៣០នាទី យប់ថ្ងៃទី២៤ ខែមិនា ឆ្នាំ២០២០ ស្ថិត នៅតាមបណ្តោយផ្លូវលំក្នុងភូមិថ្មី ក្នុងសង្កាត់ ស្ទឹងមានជ័យ១ ខណ្ឌមានជ័យ រាជធានីភ្នំពេញ។

បើតាមប្រភពព័ត៍មានពីកន្លែងកេីតហេតុ បានឲ្យដឹងថា នៅមុនពេលកេីតគេបានឃេីញបុរសម្នាក់ជិះម៉ូតូមួយគ្រឿងម៉ាកហុងដា សេ១២៥ ពណ៍ខ្មៅ សេរ៊ីឆ្នាំ ២០១៩ ពាក់ស្លាកលេខ តាកែវ 1S-1662 ធ្វេីដំណេីរតាមផ្លូវលំក្នុងទិសដៅពីលិទៅកេីត ទំនងជាស្រវឹងស្រារជិះរេពេញផ្លូវ ខណះមកដល់ចំណុចកេីតហេតុខាងលេី ស្រាប់តែរេចង្កូតជ្រុលទៅបុកនិងរបងផ្ទះប្រជាពលរដ្ឋ បណ្ដាលឲ្យបោកផ្ទប់ និងជញ្ជាំងរងរបួសធ្ងន់ធ្ងរ សន្លប់បាត់បង់ស្មារតី ត្រូវបានប្រជាពលរដ្ឋតេហៅរថយន្តសង្គ្រោះដឹកយកទៅសង្គ្រោះនៅគ្លីនិកឯកជនភ្លាមៗតែម្តង។

ក្រោយពេលកេីតហេតុសមត្ថកិច្ចមូលដ្ឋាន បានចុះមកដល់កន្លែងកេីតហេតុ ក៏បានយកម៉ូតូជនរងគ្រោះទៅរក្សាទុកនៅប៉ុស្តិ៍នគបាលរដ្ឋបាលស្ទឹងមានជ័យ១ រងចាំប្រគល់ឲ្យសាច់ញាតិយកទៅវិញ៕ដោយ៖​  ភារ៉ា​  ដង្កោ