សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីគ្រោះថ្នាក់ចរាចរណ៍មួយបង្កឡេីងដោយរថយន្តធុនធំពីរគ្រឿងបុកគ្នាក្នុងទិសដៅបញ្ច្រាស់ បណ្ដាលឲ្យរងការខូចខាតយ៉ាងដំណំ និងបង្កការកក់ស្ទះចរាចរណ៍ជាខ្លាំងដល់អ្នកដំណេីរ កាលពីវេលាម៉ោង១២ និង២០នាទីរសៀល ថ្ងៃទី២៥ ខែមីនា ឆ្នាំ២០២០ នៅចំណុចលេីផ្លូវបេតុងព្រៃស ភូមិព្រៃសខាងលិច សង្កាត់ព្រៃស ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកេីតហតុគេឃេីញរថយន្តម៉ាក HINO ប្រភេទរថយន្តក្រឡុកសុីម៉ង ពាក់ស្លាកលេខភ្នំពេញ 5A -2300 បានធ្វេីដំណេីរតាមបណ្ដោយផ្លូវបេតុងព្រៃស ទិសដៅពីលិចមកកេីតក្នុងល្បឿនល្មម ខណៈមកដល់ចំណុចកេីតហេតុស្រាប់តែមានរថយន្តសណ្ដោងកុងតឺន័រ ពណ៌ខៀវ ពាក់ស្លាកលេខភ្នំពេញ 3B-0379 បានធ្វេីដំណេីរបញ្ច្រាស់ទិសដៅគ្នាក្នុងល្បឿនលឿន ហេីយបានរេមកផ្លូវខាងឆ្វេងដៃបន្តិចក៏បុករថយន្តក្រឡុកសុីម៉ងចំពីចហៀងពេញទំហឹង បណ្ដាលឲ្យរថយន្តទាំង២គ្រឿងរងការខូចខាតយ៉ាងដំណំ តែក្នុងករណីគ្រោះថ្នាក់ចរាចរណ៍នេះមិនបង្កឲ្យមនុស្សរងរបួសនោះទេ ។
ក្រោយកេីតហេតុភ្លាម នៅត្រង់ចំណុចទីតាំងខាងលេីមានការកក់ស្ទះចរាចរណ៍ជាខ្លាំង ទេីបសមត្ថកិច្ចមូលដ្ឋានបានចុះមកដល់ជួយសម្រួលចរាចរណ៍ និងទាក់ទងទៅជំនាញចរាចរណ៍ខណ្ឌដង្កោ ឲ្យមកធ្វេីការវាស់វែងយករថយន្តទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំដោះស្រាយគ្នានាពេលក្រោយ ៕ដោយ៖ ភារ៉ា ដង្កោ
