សារព័ត៌មាន នគរវត្ត តែងតែនាំមុខគេជានិច្ច
ខេត្កំពង់ធំ៖ ស្ត្រីម្នាក់សមត្ថកិច្ចឃាត់ខ្លួនករណីបន្លំលួចចិញ្ចៀនផ្លាកទីនមួយវង់ទម្ងន់១ជី ៩ហ៊ុន នៅផ្សារស្ទឹងសែនកាលពីវេលាម៉ោង១០និង៣០នាទីព្រឹក ថ្ងៃទី២៥ ខែមីនា ឆ្នាំ២០២០ នៅចំណុចតូបលេខ២២ តូបលក់គ្រឿងអលង្ការ ផ្សារស្ទឹងសែន ស្ថិតនៅភូមិស្ទឹងសែន សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ ។
សមត្ថកិច្ចបានឲ្យដឹងថា ជនសង្ស័យមានឈ្មោះ បូង ណៃ ភេទស្រី អាយុ៥៧ឆ្នាំ រស់នៅភូមិសាលាវិស័យ ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ បានធ្វើសកម្មភាពចូលសួររកទិញខ្សែកចិញ្ចៀននៅតូបជនរងគ្រោះឆ្លៀតឱកាសមានមនុស្សចូលទិញច្រើនជនសង្ស័យបានបន្លំលួចយកចិញ្ចៀនផ្លាកទីនមួយវង់ទម្ងន់១ជី ៩ហ៊ុន ។
ជនរងគ្រោះឈ្មោះ ជៀប ចាន់ថេង ភេទប្រុស អាយុ ៤១ឆ្នាំ រស់នៅភូមិក្ដី សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ បាត់ចិញ្ចៀនផ្លាកទីនមួយវង់ទម្ងន់១ជី ៩ហ៊ុន ។
ករណីនេះជនសង្ស័យត្រូវបានសមត្ថកិច្ចនគរបាលក្រុងស្ទឹងសែន ឃាត់ខ្លួននៅអធិការដ្ឋាននគរបាលក្រុងស្ទឹងសែន ដើម្បីកសាងសំណុំរឿងតាមនីតិវិធី។
លោក ញែម ឈុនលី អធិការក្រុងស្ទឹងសែនបានអោយដឹងថា នៅវេលាម៉ោង២ ថ្ងៃទី២៦ ខែមីនាឆ្នាំ២០២០នេះនិងបញ្ចូនទៅទោតុលាការ៕
ប៊ុនរិទ្ធី
