កម្លាំងកងរាជអាវុធហត្ថនិងនគរបាលយករថយន្តរអគ្គីភ័យជាច្រើនគ្រឿងអន្តរាគមន៏បាញ់ពន្លត់ភ្លើងឆេះចំការប្រេងខ្យល់របស់ប្រជាពលរដ្ឋជាច្រើនហិចតាដោយមិនដឹងមូលហេតុ

ខេត្តស្វាយរៀង​៖​ រថយន្តពន្លត់អគ្គីភ័យចំនួន​៥គ្រឿងរបស់អាវុធហត្ថនិងនគរបាលបានមកអន្តរាគមន៏ជួយបាញ់ខណះដែលមានអគ្គីភ័យឆាបឆេះរាលដាលនៅចំការប្រេងខ្យល់របស់ប្រជាពលរដ្ឋប្រមាណជិត៩ហិចតាដោយមិនទាន់ដឹងមូលហេតុ។

ហេតុការណ៏នេះបានកើតឡើងនៅវេលាម៉ោង១និង៤៥នាទីរសៀល​ ថ្ងៃទី០៥​ ខែមេសា​ ឆ្នាំ២០២០​ នៅចំណុចភូមិជ្រៃធំ​ សង្កាត់ព្រៃអង្គុញ​ ក្រុងបាវិត​ ខេត្តស្វាយរៀង​ ។

សមត្ថកិច្ចកងរាជអាវុធហត្ថក្រុងបាវិតបានអោយដឹងថា ក្រោយពីទទួលបានដំណឹងភ្លាម​ កម្លាំងមូលដ្ឋានកងរាជអាវុធហត្ថក្រុងបាវិត​ សហការជាមួយកម្លាំងមូលដ្ឋានកងរាជអាវុធហត្ថខេត្តនិងកំលាំងស្រុកទាំង៣ទៀតព្រមកម្លាំងនគរបាល  បានយករថយន្តពន្លត់អគ្គីភ័យចំនួន​ ​០៥គ្រឿង​  មកជួយបាញ់ពន្លត់នៅចំការដើមប្រេងខ្យល់និងអស់ទឹកចំនួន៩រថយន្តទើបគ្រប់គ្រងស្ថានការណ៏ទាន់ពេលវេលាដោយមិនបណ្ដាលអោយមនុស្សរងគ្រោះថ្នាក់និងផ្ទះអ្នកភូមិនោះទេ។

ប្រភពបន្តថាក្នុងខណះនោះក៏មានវត្តមានលោក លឹម សៀងហេង អភិបាលក្រុងបាវិត និងលោកមេបញ្ជាការ​ មូលដ្ឋានកងរាជអាវុធហត្ថក្រុងបាវិត​មកជួយពន្លត់អគ្គីភ័យរហូតគ្រប់គ្រងស្ថានការទាន់ពេល។

ប្រភពបានបន្ថែមថា សមត្ថកិច្ចមិនទាន់ដឹងពីមូលហេតុច្បាស់លាស់ដែលបណ្ដាលអោយមានភ្លើងឆាបឆេះនៅឡើយខណះសមត្ថកិច្ចកំពុងធ្វើការស្រាវជ្រាវពិតប្រាកដផងដែរ។យឹម សុថាន