រថយន្តឡុចស៊ីសបេីកបុកបង្គោលភ្លេីងបាក់អស់មួយដើមរងការខូតយ៉ាងដំណំ

ភ្នំពេញ៖ រថយន្តឡុចស៊ីសGS300មួយគ្រឿងបេីកបរក្នុងល្បឿនលឿន ដោយខ្វះការប្រុងប្រយ័ត្នក៏រ៉េចង្កូតជ្រុលទៅបុកបង្គោលភ្លើងពេញទំហឹងរងការខូចខាតយ៉ាងដំណំ ហេតុការណ៍នេះកេីតឡេីងកាលពីវេលាម៉ោង០១និង ៣០នាទីយប់រំលងអធ្រាតឈានចូលថ្ងៃទី១៤ ខែមេសាឆ្នាំ២០២០ ស្ថិតនៅតាមបណ្ដោយផ្លូវ៦០ម៉ែត្រ ក្នុងសង្កាត់ ចាក់អង្រែក្រោម ខណ្ឌមានជ័យ រាជធានីភ្នំពេញ។

បើតាមប្រភពព័ត៍មានពីកន្លែងកើតហេតុ បានឲ្យដឹងថា នៅមុនពេលកេីតហេតុគេបានឃើញរថយន្តម៉ាកឡុចស៊ីស GS300មួយគ្រឿង ពណ៍ខ្មៅ ពាក់ស្លាកលេខ ភ្នំពេញ 2AZ-3357 បើកបរក្នុងល្បឿនយ៉ាងលឿនតាមបណ្ថោយផ្លូវ៦០ម៉ែត្រក្នុងទិសដៅពីជើងទៅត្បូង ខណៈមកដល់ចំណុចកេីតហេតុខាងលេីក៏រ៉េចង្កូតជ្រុលទៅបុកបង្គោលភ្លើងចំពេញទំហឹងបណ្តាលរថយន្តក្រឡាប់ផ្ងារជើងខ្ចេចមួយកំណាត់មុខ និងបាក់បង្គោលភ្លើងបាក់អស់មួយដើមរងការខូចខាតយ៉ាងដំណំ តែសំណាងល្អមិនបង្កឲ្យមាននណាម្នាក់រងបួសនោះទេ។ ដោយឡែកម្ចាស់រថយន្តបង្កបានរត់គេងខ្លួនបាត់ស្រមោល។

ក្រោយកេីតហេតុ សមត្ថកិច្ចមូលដ្ឋានបានចុះមកដល់កន្លែងកេីតហេតុ ក៏បានទាក់ទងទៅខាងជំនាញចុះមកវាស់វែង និងយករថយន្តបង្ករទៅរក្សារទុកនៅស្នងការដ្ឋាននគបាលរាជធានីភ្នំពេញ រងចាំដោះស្រាយតាមនិតិវិធីច្បាប់៕ដោយ៖​ ភារ៉ា​ ដង្កោ