សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ ស្រ្តីមេម៉ាយវ័យ២៥ឆ្នាំ ម្នាក់បានសម្រេចចិត្តចងកសម្លាប់ខ្លួន ដោយយកក្រម៉ាចងភ្ជាប់នឹងមែកស្វាយចន្ទីកម្ពស់ពីដី០២ម៉ែត្រ ធ្វេីអោយសមត្ថ កិច្ចពិបាកកំណត់រកមូលហេតុ ។
ហេតុការណ៍នេះបានកើតឡើងនៅវេលាម៉ោងប្រមាណ០៧ និង០០នាទី ថ្ងៃទី១៦ ខែមេសា ឆ្នាំ២០២០ ត្រង់ចំណុចចំការស្វាយ ចន្ទីរបស់ខ្លួនស្ថិត នៅភូមិឈើទាលទី២ ឃុំពាមជីលាំង ស្រុកត្បូងឃ្មុំ ខេត្តត្បូងឃ្មុំ ។
ជនរងគ្រោះឈ្មោះហាំតី.ម៉ះ ហៅ ជុ ភេទស្រី អាយុ២៥ឆ្នាំជនជាតិខ្មែរ មានទីលំនៅភូមិ ឃុំកើតហេតុខាងលើ។
ក្រោយទទួលបានព័ត៌មានកម្លាំងជំនាញ នៃអធិការនគរបាលស្រុកសហការជាមួយកម្លាំងប៉ុស្តិ៍នគរបាលរដ្ឋបាលពាមជីលាំងនិងពេទ្យមណ្ឌលសុខភាពពាមជីលាំងចុះដល់កន្លែងកើតហេតុពិនិត្យស្រាវជ្រាវឃើញថាសពបានស្លាប់ដោយធ្វើអត្តឃាតចងកសំលាប់ខ្លួនឯងពិតប្រាកដមែនពុំមានពាក់ព័ន្ធនិងបទល្មើសព្រហ្មទណ្ឌឡើយ។
សពត្រូវបានប្រគល់ជូនក្រុមគ្រួសារសាច់ញាតិ ធ្វើបុណ្យតាមប្រពៃណី ៕ ដោយ ៖ វណ្ណៈ
