សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ ជនសង្ស័យមុខសញ្ញាឆក់ត្រីដ៏សកម្មម្នាក់ត្រូវបានឃាត់ខ្លួន ស្ថិតនៅចំណុច ដងទន្លេមេគង្គ ភូមិសាស្ត្រភូមិស្វាយ ឃុំកោះស្រឡាយ ស្រុកសៀមបូក ខេត្តស្ទឹងត្រែង វេលាម៉ោងជាង៩យប់ ថ្ងៃទី២៣ ខែមេសា ឆ្នាំ២០២០។
លោក វង្ស សាវឿន នាយរងខណ្ឌជលផលខេត្តស្ទឹងត្រែង បានបញ្ជាក់ថា ជនសង្ស័យឈ្មោះ ញិល រស្មី ភេទប្រុស អាយុ
២៣ឆ្នាំ រស់នៅភូមិថ្មីសង្កាត់សាមគ្គី ក្រុងស្ទឹងត្រែង។ ជនសង្ស័យរូបនេះ ត្រូវកម្លាំងសហការរួមមានក្រុមអភិរក្សសត្វផ្សោត ឆ្មាំទន្លេ គណៈកម្មការសហគមន៍នេសាទ ចាប់ខ្លួនពេលកំពុងប្រព្រឹត្តបទល្មើសជាក់ស្តែង។
ក្រោយពេលបង្ក្រាប កម្លាំងខាងលើ បានប្រគល់មកខណ្ឌរដ្ឋបាលជលផល ដើម្បីកសាងសំណុំរឿង តាមនីតិវិធីទៅតុលាការជាបន្តទៀត។
វត្ថុតាងដកហូតមាន អាគុយកម្លាំង៧០អំពែ ចំនួន២គ្រឿង ទូកស្មាច់មួយគ្រឿង ម៉ាស៊ីនកម្លាំង២០សេស មួយគ្រឿង ក្បាលឆក់ប្រភេទត្រជាក់កម្លាំង៤១៨.០០០វ៉ាត់ មួយគ្រឿង និងថ្នងដងត្រីមួយត្រី៥គីឡូក្រាម៕ដោយ៖ ហេង សុរិយា
