សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ករណីគ្រោះថ្នាក់ចរាចរណ៏គួរអោយរន្ធត់បណ្ដាលអោយក្មេងស្រី២នាក់ស្លាប់យ៉ាងសង្វេគនិងតក់ស្លុតបំផុតខណះត្រូវរថយន្តមួយគ្រឿងបើកស្របទិសគ្នាជែងក្នុងស្ថានភាពគ្រោះថ្នាក់បុកពីក្រោយកាលពីវេលាម៉ោង៥និង៤០នាទីល្ងាចថ្ងៃទី ៣០ មេសា ឆ្នាំ២០២០ស្ថិតក្នុងភូមិសាលាស្រុកចាស់ សង្កាត់ព្រៃឆ្លាក់ក្រុងស្វាយរៀង។
បើតាមសមត្ថកិច្ចនគរបាលក្រុងស្វាយរៀងបាន អោយដឹងថា ក្មេងស្រីរងគ្រោះមានឈ្មោះ វីរៈ អាលីយ៉ា អាយុ ១២ឆ្នាំ និង ឈ្មោះ វ៉ាន់ សេរ៉ា អាយុ ៧ឆ្នាំ អ្នកទាំងពីរ រស់នៅ ភូមិស្វាយចេក ឃុំសំឡី ស្រុកកំពង់រោទិ៍ ខេត្តស្វាយរៀង។
ចំណែកបុរសដែលដឹកចៅស្រីទាំង២មានឈ្មោះប្រាក់សុគន្ធាវីអាយុ៥០ឆ្នាំមុខរបរកសិកររស់នៅក្នុងភូមិក្រោលគោឃុំក្រោលគោស្រុកស្វាយជ្រំ
មិនមានរងរបួសនោះទេ។
ប្រភពបន្តថារីឯអ្នកបើករថយន្តដឹកកម្មករមិនត្រូវបានស្គាល់អត្តសញ្ញាណនោះទេក្រោយបង្កហេតុបានឈប់បន្តិចក៏បើកគេចខ្លូនទៅទិសខាងលិចបាត់តែម្ដង។
តាមសាក្សីបានអោយដឹងថាមុនកើតហេតុគេឃើញមានបុរសម្នាក់បានឌុបក្នេងស្រី២នាក់ដោយម៉ូតូមួយគ្រឿងម៉ាកស៊ុយសូគីឡែតពណ៏សលាយខៀវពណ៌ ពាក់ផ្លាកលេខ ស្វាយរៀង ១N ៦៤៦៨
ក្នុងទិសដៅពីកើតមកលិចខណះបើកមកដល់លើស្ពានហាយវ៉េស្រាប់តែមានរថយន្តដឹកកម្មករមិនចាំស្លាកលេខពណ៏សជែងក្នុងស្ថានភាពគ្រោះថ្នាក់ក៏កៀម៉ូតូខាងស្ដាំដៃបណ្ដាលអោយក្មេងស្រីទាំង២ដួលធ្លាក់ពីលើម៉ូតូកិនធ្លាយខួរស្លាប់តែម្ដងរីឯអ្នកឌុបមិនមានរបួសនោះទេ។
ក្រោយបង្កហេតុអ្នកបើករថយន្តដឹកកម្មករមិនត្រូវបានស្គាល់អត្តសញ្ញាណនោះទេខណះបានឈប់បន្តិចក៏បើកគេចខ្លូនទៅទិសខាងលិចបាត់តែម្ដង។
សពជនរងគ្រោះទាំង២នាក់ត្រូវបានរថយន្តរបស់ស្នងការដ្ឋាននគរបាលខេត្តស្វាយរៀង ដឹកជូនដល់ផ្ទះ និង ប្រគល់សាកសពជូនសាច់ញាតិធ្វេីបុណ្យតាមប្រពៃណី។
ចំណែកអ្នកបើករថយន្តសមត្ថកិច្ចកំពុងស្រាវជ្រាវអត្តសញ្ញាណអ្នកបេីកបរ ដេីម្បីយកមកទទួលទោសចាត់ការបន្តតាមច្បាប់ ៕
ដោយ៖យឹម សុថាន
