សារព័ត៌មាន នគរវត្ត តែងតែនាំមុខគេជានិច្ច
អុីតាលី៖លីកកំពូលអុីតាលី Serie A អាចប្រឈមនឹងការបិទរដូវកាលនេះដូចទៅនឹងលីកកំពូលបារាំងដែរដោយសារតែថ្នាក់ដឹកនាំលីក មន្ត្រីសុខាភិបាលនិងក្លិបមិនចុះសម្រុងនឹងគ្នា។
ប្រសិនបើក្លិប និងខាងសុខភាពព្រមព្រៀងលើលក្ខខណ្ឌគ្នាទៅវិញទៅមក រដ្ឋាភិបាលអាចនឹងបើកឲ្យមានហ្វឹកហាត់វិញ ហើយការប្រកួតនឹងអាចមាន។
លោក Vincenzo Spadafora រដ្ឋមន្ត្រីកីឡាអុីតាលីបានអះអាងថារដ្ឋាភិបាលប្រទេសអុីតាលីនឹងបញ្ចប់រដូវកាល Serie A នេះប្រសិនជាក្លិបនិងខាងសុខាភិបាលមិនឯកភាពលក្ខខណ្ឌគ្នា ។
លោករដ្ឋមន្ត្រីបានបន្តថា ប្រសិនបើភាគីខាងលើមិនឯកភាពគ្នា រដូវកាលប្រកួតលីកកំពូលនេះនឹងបញ្ចប់ត្រឹមនឹង ដោយលើកមូលហេតុ សុខភាពជាចម្បង ជំងឺកូវីដ–១៩នៅមិនទាន់ធូរស្បើយ។
លីកកំពូលអុីតាលី Serie A បានផ្អាកការប្រកួតតាំងពីថ្ងៃទី៩ ខែមីនា ឆ្នាំ២០២០កន្លងមក ហើយក្លិបនានានៅក្នុងលីកមិនចង់ឲ្យរំសាយចោលដូចលីកកំពូលបារាំងនោះទេ ដោយមានសង្ឃឹមបានបើកលេងវិញក្នុងខែនេះ ឬខែបន្ទាប់ ៕ដោយ៖ភារៈ
