សារព័ត៌មាន នគរវត្ត តែងតែនាំមុខគេជានិច្ច
បារាំង៖ ក្រោយពីថ្នាក់ដឹកនាំបានប្រកាសរំសាយការប្រកួតដែលនៅសល់ចោលទាំង អស់នារដូវកាលនេះ ក្រុម PSG បានក្លាយជាជើងឯកលីកកំពូលបារាំងដោយស្វ័យប្រវត្តិ ព្រោះមានពិន្ទុខ្ពស់ជាងគេឈរកំពូលតារាងរដូវកាលនេះ ។
ក្រុម PSG នៅចំណាត់ថ្នាក់លេខ១ក្នុងតារាង ដោយមាន១២និងសល់១ប្រកួតក្នុងដៃទៀត។ ស្របពេលរដ្ឋាភិបាលបានប្រកាសផ្អាកការប្រកួតកីឡាទាំងអស់ លីក Ligue1 ក៏សម្រេចរំសាយចោលតែម្ដងទៅ ហើយជ្រើសរើសយកក្រុមកំពូលតារាងជាជើងឯក មិនគិតប្រកួតនៅសល់ទៀតនោះទេ។
ទោះបីក្លាយជាជើងឯកលីកកំពូលបារាំងពិតមែន ក្រុម PSG នឹងខាតបង់ប្រាក់ជាច្រើន ដោយសារតែវិបត្តិ Covid-19 នេះ។ ក្លិបនេះខកខានការប្រកួតជាច្រើន ខណៈដែលតម្លៃពលកម្មរបស់កីឡាករនៅក្នុងក្លិបនៅដដែល ដែលធ្វើឲ្យក្លិបអាចនឹងជួបវិបត្តិហិរញ្ញវត្ថុ ក្នុងការរក្សាថវិកាដើម្បីទិញកីឡាករនៅរដូវកាលក្រោយ ៕ដោយ៖ភារៈ
