សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ កម្លាំងនគរបាលនៃអធិការដ្ឋាននគរបាលស្រុកថ្មគោល បានចុះប្រតិបត្តិការ បង្ក្រាបមុខសញ្ញារក្សាទុកដោយខុសច្បាប់នូវសារធាតុញៀន១ករណីក្នុងបទល្មើសជាក់ស្តែង។ប្រតិបត្តិការនេះប្រព្រឹត្តទៅកាលពីរសៀលថ្ងៃទី៤ខែឧសភា ឆ្នាំ២០២០នៅភូមិ ពពាលខែឃុំអូរតាគី ស្រុកថ្មគោល ខេត្តបាត់ ដំបង ដោយឃាត់ខ្លួនជនសង្ស័យម្នាក់ឈ្មោះ សុង គឹមសឿតភេទប្រុសអាយុ៣០ ឆ្នាំរស់នៅ ភូមិ ពពាលខែឃុំអូរតាគី ស្រុកថ្មគោល ខេត្ត បាត់ដំបង ។
ជាមួយគ្នានេះដែរវត្ថុតាងចាប់យកបានរួមមាន
១-ម្សៅក្រាមពណ៌សថ្លាច្រកក្នុងថង់ប្លាស្ទិក ចំនួន១៦ថង់តូចសង្ស័យជាសារធាតុញៀនប្រភេទមេតំហ្វេតាមីន ម៉ាទឹកកក ICE
២-កាំភ្លើងកែច្នៃប្រើខ្យល់ចំនួន៤ដើម
៣-ជញ្ជើងសម្រាប់ថ្លឹងគ្រឿងញៀនចំនួន១
៤-ដាវសាមូរ៉ៃចំនួន១ដើម
៥-ដបសម្រាប់ជក់គ្រឿងញៀន ចំនួន០១ ដែក កេះចំនួន០១
៦-ទុយយោជ័រចំនួន០២ដុំ និង
៧-ថង់កិបសម្រាប់ច្រករំលែកគ្រឿងញៀនមួយចំនួន។
ជនសង្ស័យរូបនេះរួមនឹងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់៕
ដោយ៖ប្រាថ្នា
