សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ លោក អឿង វណ្ណា ចៅក្រមសុើបសួរសាលាដំបូងខេត្តកណ្តាលនៅល្ងាចថ្ងៃទី១០ ខែឱសភា ឆ្នាំ២០២០ បានសម្រេចចេញដីការឃុំខ្លួនជនសង្ស័យ២នាក់ ជាបងប្អូនបង្កើតនិងគ្នា ដែលធ្វើសកម្មភាពវៃទៅលើជនរងគ្រោះអោយមានរបួស ដោយខឹងមកទាលុយដែលខ្លួនជំពាក់ ដាក់ពន្ធនាគារបណ្តោះអាសន្ន ពីបទ ហិង្សាដោយចេតនា តាមមាត្រា២១៧ នៃក្រមព្រហ្មទណ្ឌ ។
ដែលប្រព្រឹត្តនៅក្នុងផ្សារកំពង់កន្ទួត ភូមិស្វាយមីងឃុំ បារគូ ស្រុកកណ្ដាលស្ទឹង ខេត្តកណ្តាល កាលពីថ្ងៃទី ០៩ ខែឧសភា ឆ្នាំ២០២០ វេលាម៉ោង០៧និង៣០នាទី។
ជនរងគ្រោះឈ្មោះ ញឹម ប៉ាច ភេទស្រី អាយុ៦១ឆ្នាំជនជាតិខ្មែរ មានទីលំនៅភូមិក្រាំងក្រូច សង្កាត់ ទៀន ខណ្ឌ ដង្កោ រាជធានីភ្នំពេញ មុខរបរកសិករ ។
ជនត្រូវចោទ២នាក់ទី១ឈ្មោះសោម ចាន់លីន ភេទស្រីអាយុ៣៦ឆ្នាំជនជាតិខ្មែ រមានទីលំនៅភូមិ ដេីមត្រាំងឃុំអន្លង់រមៀតស្រុកកណ្ដាលស្ទឹង ខេត្តកណ្តាលមុខរបរ លក់បាយ និងទី២ឈ្មោះសោម ចាន់រី ភេទស្រី អាយុ៣៩ឆ្នាំ មានទីលំនៅភូមិដេីមត្រាំង ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល មុខរបរលក់បាយ។
សមត្ថកិច្ចបានឱ្យដឹងថាៈនៅមុនពេលកេីតហេតុខាងលេីជនរងគ្រោះបានមកផ្សារកំពង់កន្ទួតដេីម្បីទិញម្ហូបអាហារនិងទារលុយពីជនសង្ស័យឈ្មោះសោម ចាន់រីដែលជំពាក់លុយខ្លួនចំនួន២០០ដុល្លារ ពេលទារលុយនោះជនរងគ្រោះនិងជនសង្ស័យបានឈ្លោះប្រកែកគ្នា ដោយជនសង្ស័យបានហៅជនរងគ្រោះ ដែលមានអាយុច្រើនជាងថាហ្អែងៗភ្លាមនោះដែរជនសង្ស័យ ម្នាក់ទៀតឈ្មោះ សោមចាន់លីន ជាប្អូនបង្កើតរបស់ឈ្មោះ សោមចាន់រីដែលនៅក្បែរនោះដែរបានយកកាំបិតបុ័ងតោវាយទៅលើតុឈើលាន់ឮ ផាំងៗរួចរុញទ្រូងជនរងគ្រោះឲ្យចេញពីកន្លែងជនសង្ស័យលក់នំបញ្ចុកនិងបាយស្រូបបន្ទាប់មកជនសង្ស័យសោម ចាន់លីនបានជេរបញ្ចោរនិងយកកាំបិតបុ័ងតោខាងលើមកលជន្លរកកាប់ក្បាលជនរងគ្រោះថែមទៀត ភ្លាមនោះដែរជនសង្ស័យឈ្មោះ សោមចាន់រីបានស្ទុះមកចាប់ក្របួចអាវជនរងគ្រោះពីមុខ បោកទៅលេីផ្លូវបេតុងបណ្តាលឲ្យដាច់លេវ អាវ០២និងដាច់ខ្សែបូចងអាវនិងបានក្រញៅមាត់និងចិញ្ចេីមខាងស្តាំបណ្តាលឲ្យដាច់រលាត់បន្ទាប់មកជនរងគ្រោះក៏បានរត់ទៅប្តឹងសមត្ថកិច្ចប៉ុស្តិ៍នគរបាលរដ្ឋបាលបារគូស្រាប់តែជនសង្ស័យឈ្មោះសោមចាន់រីបានរត់ដេញតាមវាយជនរងគ្រោះបន្តទៀត៕ ឆ ដា
