ព័ត៌មានទាន់ហេតុការណ៍៖

កីឡាករ​៥​នាក់នៅ​អេស្ប៉ាញធ្វើតេស្តវិជ្ជមាន Covid-19 ​ពេលចាប់ផ្តើមហ្វឹកហាត់ឡើងវិញ

ចែករំលែក៖

អេស្ប៉ាញ៖កីឡាករនៅក្របខ័ណ្ឌបាល់ទាត់កំពូលអេស្ប៉ាញ La Liga ចំនួន៥នាក់បានរកឃើញមានផ្ទុកមេរោគ Covid-19 ខណៈដែល​ក្លឹប​ទាំង​អស់​ចាប់​ផ្ដើម​ហ្វឹកហាត់​ដើម្បី​ត្រៀម​ប្រកួត​ឡើង​វិញ ។

​កីឡាករ​ទាំង​៥​នាក់​នោះ ​មាន​នៅ​លីកកំពូល​ និង​លីក​លំដាប់​ទី​២របស់អេស្ប៉ាញ។ ការ​រក​ឃើញ​នេះ ដោយសារ​តែ​ក្របខ័ណ្ឌ​ទាំង​២ ​បាន​កោះ​ហៅ​កីឡាករ​មក​ប្រមូល​ផ្ដុំ​ដើម្បី​ធ្វើ​តេស្ដ​រក​មេរោគ ​មុន​ឱ្យ​ពួកគេ​ទាំង​អស់​ហាត់​ជុំ​គ្នា។ ​ដោយ​ក្នុង​ចំណោម​នោះ ​មាន​កីឡាករមកពីក្លិប Real Betis ​៣​នាក់​គឺកីឡាករ ​Joel Robles, Alfonso Pedraza ​និង​ JuanmiJimenez ។ ​ពួកគេ​ទាំងអស់កំពុង​សម្រាក​ព្យាបាល ដោយយកចិត្តទុកដាក់ ហើយស្ថានភាពនៅពេលនេះគឺ​ធម្មតា ​មិនទាន់​មាន​អ្វី​ធ្ងន់ធ្ងរនៅឡើយទេ។

​ប្រធាន La Liga ​បាន​បញ្ជាក់​​ថា ​ប្រសិន​បើ​អំឡុង​ពេល​ធ្វើ​តេស្ដ​រក​ឃើញ​មាន​កីឡាករ​ឆ្លង​មេរោគ​មែន ប៉ុន្តែ​សមាជិក​ដ៏ទៃ​ទៀត​ដែល​មិន​មាន​ឆ្លង​មេរោគ គឺ​អាច​ហ្វឹកហាត់​បាន​ជា​ធម្មតា។ លោកអះអាងថា គម្រោង​នៃ​ការ​ចាប់​ផ្ដើមប្រកួត​ឡើង​វិញលីកកំពូល La Liga ​គឺ​នៅ​តែរក្សា​ដដែល ៕ដោយ៖ភារៈ


ចែករំលែក៖