សារព័ត៌មាន នគរវត្ត តែងតែនាំមុខគេជានិច្ច
ក្លិបសារិកាព្រៃ Newcastle បានត្រៀមកញ្ចប់ថវិកា៥៣លានផោនដើម្បីទិញខ្សែប្រយុទ្ធរបស់ក្លិប Real Madrid កីឡាករ Gareth Balesនៅរដូវកាលក្រោយ។
តាំងពីម្ចាស់ក្លិបគឺស្តេចប្រេងកាតមកពីអារ៉ាប់កាន់កាប់មក ក្លិបមួយនេះបានចំណាយលុយរាប់លានផោន ហើយគ្រោងចំណាយប្រមាណ៣០០លានផោនដើម្បីទិញកីឡាករកំពូលៗមកចូលរួមក្នុងក្រុម ។
ទឹកប្រាក់ប្រមាណ៥៣លានផោន ដែលក្រុមរហស្សនាមសារិកាព្រៃគ្រោងចំណាយដើម្បីទិញ Gareth Bales យកមកលេងនៅ Premier League វិញ។ Bale ដែលឈានដល់វ័យ៣០ឆ្នាំហើយនោះមិនសប្បាយចិត្តប៉ុន្មានទេក្នុងការបន្តស្នាក់នៅ Real Madridសម្រាប់រដូវកាលក្រោយ។
មានក្លិប៣ ដែលប្រជែងគ្នាយកខ្សែប្រយុទ្ធសញ្ជាតិវេលរូបនេះ។ ក្នុងនោះ Newcastle គឺជាក្លិបមួយដែលធ្វើឲ្យគ្រប់គ្នាភ្ញាក់ផ្អើលជាងគេ ដោយហ៊ានចរចាទិញ កីឡាករខ្សែការពារ ខ្សែបម្រើ ខ្សែប្រយុទ្ធកម្រិតកំពូលៗ និងមានតម្លៃថ្លៃៗពីបណ្តាក្លិបល្បីៗផងដែរ ៕ ដោយ៖ភារៈ
