ព័ត៌មានទាន់ហេតុការណ៍៖

កាន់តែប្លែក ព្រះនាងតូច នរោត្តម ជេនណា និង12ME សម្តែងបទចម្រៀងគំនូរជីវចលបែប3D

ចែករំលែក៖

ភ្នំពេញ៖កាន់តែធ្វើឲ្យមានការភ្ញាក់ផ្អើលនិងចាប់អារម្មណ័ខ្លាំងក្រោយពីសមត្ថភាពសិល្បៈរបស់ព្រះនាងតូច នរោត្តម ជេនណា ក្រោយពីព្រះនាងច្រៀង និងសម្តែងរួមគ្នាជាមួយតារារ៉េប 12ME ក្នុងបទចម្រៀងគំនូរជីវចលបែប3D។
នាងតូច នរោត្តម ជេនណា បុត្រីទី២របស់ព្រះម្ចាស់ក្សត្រីបុប្ផារី និងជាព្រះរាជនត្តារបស់សម្ដេចព្រះមហិស្សរៈ នរោត្តម ចក្រពង្ស ត្រូវបានគេស្គាល់ និងសរសើរច្រើនក្រោយពីបញ្ចេញបទចម្រៀងមួយចំនួន ។ កាន់តែពិសេសព្រះនាងតូច ត្រូវបានគេទទួលស្គាល់ថា ជាសែស្រឡាយរាជវង្សដែលមានសម្ផស្សស្រស់ស្អាតទាំងនៅវ័យក្មេង ពិសេសនោះ គឺមានទេពកោសល្យសិល្បៈគួរឲ្យស្ញប់ស្ញែង ។សមត្ថភាពសិល្បៈ របស់ព្រះនាងតូចដ៏គួរឲ្យស្រឡាញ់អង្គនេះ គឺព្រះនាងអាចច្រៀងបានទាំងចម្រៀងសម័យ បុរាណ ថែមទាំងចេះដើរម៉ូដ និងរាំចង្វាក់ K-Pop ទៀតផង។ ហើយអ្វីដែលកាន់តែចាប់អារម្មណ៍ទៅទៀតនោះ ពេលនេះព្រះនាងបានបញ្ចេញបទចម្រៀងថ្មីចង្វាក់ប្រពៃណីខ្មែរ ដោយលាយជាមួយការរ៉េបពី12ME មានចំណងជើងថា «កង្កែបរាំវង់» ដែលមានការចូលរួមសហការផលិតវីដេអូដោយ Veha Entertianment ផងដែរ។បើទោះបីជាការសម្តែងចម្រៀងជាមួយកុត្តតាបែប3D ក៏ព្រះនាងនៅតែមានភាពរស់រវើកស័ក្តិសមតែម្តង និងកំពុងធ្វើឲ្យប្រិយមិត្ត ពិសេសអ្នកគាំទ្រព្រះនាង រំជើបរំជួល និងស្ញប់ស្ញែង។
​គួរបញ្ជាក់ដែរថា២ឆ្នាំចុងក្រោយនេះ ព្រះនាងតូច នរោត្តម ជេនណា ហាក់ទទួលការគាំទ្រច្រើនពីទស្សនិកជនក្រោយពីទ្រង់បានបញ្ចេញសមត្ថភាពច្រៀងរាំក្នុងបទចម្រៀងជាច្រើនបន្តបន្ទាប់មានដូចជាបទ”កន្ទ្រឹមខែចែត្រ” បទ “ជំនោរដើមខែ” និងបទ”ដួងចន្ទ” ជាដើម៕ដោយ៖វឌ្ឍនា

 


ចែករំលែក៖