សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យប្រុសស្រី២នាក់ ដែលជាមុខសញ្ញាជួញដូរដោយខុសច្បាប់នូវសារធាតុញៀន ត្រូវបានកម្លាំងជំនាញ នៃអធិការដ្ឋាននគរបាលខណ្ឌចំការមន សហការជាមួយនគរបាលប៉ុសិ៍្តផ្សារដើមថ្កូវ ស្រាវជ្រាវបង្ក្រាបនិងឃាត់ខ្លួនជាក់ស្តែង រួមនិងម្សៅក្រាមពណ៌សថ្លាចំនួន ១កញ្ចប់ធំល្មមនិង10ថង់តូច ។ កាលពីវេលាម៉ោង១០និង៣០នាទីព្រឹក ថ្ងៃទី២៤ ខែឧសភា ឆ្នាំ២០២០ ត្រង់ចំណុច មុខផ្ទះគ្មានលេខ ផ្លូវ508ថ្មី ភូមិ5 សង្កាត់ផ្សារដើមថ្កូវ ខណ្ឌចំការមន ។ រាជធានីភ្នំពេញ ។
លោកវរសេនីយ៍ត្រី ផន អូន អធិការរងខណ្ឌចំការមន បានបញ្ជាក់ថា នៅល្ងាច ថ្ងៃទី២៤ ខែឧសភា ឆ្នាំ២០២០នេះថា ក្នុងប្រតិបត្តិការនោះសមត្ថកិច្ចជំនាញ បានឃាត់ខ្លួនប្រុសស្រីដែរជាជនសង្ស័យ២នាក់ ១-ឈ្មោះអេម ឡា ភេទប្រុសអាយុ35ឆ្នាំស្នាក់នៅផ្ទះគ្មានលេខផ្លូវ508ថ្មីភូមិ5សង្កាត់ផ្សារដើមថ្កូវខណ្ឌចំការមន មុខរបរគ្មាន ។
២-ឈ្មោះញៀន ស្រីអឿន ភេទស្រី អាយុ21ឆ្នាំស្នាក់
ផ្ទះខាងលើ មុខរបរនៅផ្ទះដកហូតវត្ថុតាង ក្រាមសថ្លា 01ថង់ធំល្មមនិង10ថង់តូច ។
ក្រោយឃាត់ខ្លួនជនសង្ស័យ រួមនិងវត្ថុតាង ត្រូវបានកម្លាំងជំនាញបញ្ជូនទៅកាន់អធិការដ្ឋាននគរបាលខណ្ឌចំការមន ដើម្បីកសាងសំណុំរឿង ចាត់ការតាមនីតិវិធីច្បាប់ ៕ដោយ៖ស រស្មី
