សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តដឹកឥដ្ឋបើកបុករថយន្តដឹកទំនិញរួចរុញទៅបុករថយន្តហាយឡេនឌ័រវិលជាច្រេីនជុំខូចខាតមួយចំហៀង។
ហេតុការណ៍នេះបានកេីតឡេីងកាលពីម៉ោង១និង៤៥នាទីរសៀលថ្ងៃទី២៦ ខែឧសភា ឆ្នាំ២០២០ ស្ថិតនៅតាមបណ្ដោយផ្លូវជាតិលេខ៦ ខាងមុខបុរីឌឹផ្លរ៉ា ក្នុងភូមិក្តីចាស់ សង្កាត់បាក់ខែង ខណ្ឌជ្រោយចង្វា រាជធានីភ្នំពេញ។
រថយន្តបង្កដឹកឥដ្ឋម៉ាកហុីយ៉ាន់ដាយពណ៌ស ពាក់ស្លាកលេខភ្នំពេញ3B-1932 បេីកដោយបុរសម្នាក់មិនស្គាល់អត្តសញ្ញាណ។ចំណែករថយន្តរងគ្រោះទី១ម៉ាកហុីយ៉ាន់ដាយដឹកទំនិញពណ៌ខៀវពាក់ស្លាកលេខភ្នំពេញ3B-5470 បេីកដោយបុរសម្នាក់រួមដំណេីរជាមួយប្រពន្ធ។ រថយន្តរងគ្រោះទី២ម៉ាកតូយ៉ូតាហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ2AM-2441បេីកដោយបុរសម្នាក់រួមដំណេីរដោយភ្ញៀវជិះ៦នាក់។
ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុ រថយន្តបង្កហេតុ និងរថយន្តហុីយ៉ាន់ដាយរងគ្រោះបេីកស្របទិសគ្នាតាមបណ្តោយផ្លូវជាតិលេខ៦ ក្នុងទិសដៅពីត្បូងទៅជេីងដោយរថយន្តរងគ្រោះបេីកខាងមុខ ខណៈមកដល់ជិតចំណុចកេីតហេតុរថយន្តរងគ្រោះសុីញ៉ូបត់ឆ្វេងស្រាប់តែរថយន្តបង្កបេីកលឿនជ្រុលទៅបុកពីក្រោយបណ្តាលឲ្យរុញទៅមុខជ្រុលទៅបុករថយន្តហាយឡេនឌ័រដែលមកពីជេីងទៅត្បូងបណ្តាលឲ្យខូចខាតមួយចំហៀងខាងឆ្វេង។
បន្ទាប់ពីកេីតហេតុភាគីទាំងបីបាននិយាយសម្រួលគ្នាបញ្ចប់រឿងនៅប៉ុស្តិ៍នគរបាលរដ្ឋបាលបាក់ខែង៕ដោយ៖ជ្រោយ ពេជ្រ
