សារព័ត៌មាន នគរវត្ត តែងតែនាំមុខគេជានិច្ច
ខ្សែការពាររបស់ក្លិប Morecambe កីឡាករ Christian Mbulu បានទទួលមរណភាពក្នុងអាយុ២៣ឆ្នាំ។ នេះបើតាមការចុះផ្សាយរបស់ BBC Sport កាលពីថ្ងៃទីពុធ ។
អតីតកីឡាករក្លិប Motherwell រូបនេះកើតនៅទីក្រុងឡុងបានផ្លាស់ទៅទីក្រុង Morecambe កាលពីខែមករាបន្ទាប់ពីបានចូលរួមជាមួយក្លិបMorecambe ។
នៅក្នុងសេចក្តីថ្លែងការណ៍មួយរបស់ក្លិប Morecambe បានពណ៌នាថាកីឡាករ Mbulu គឺជាសមាជិកដ៏មានប្រជាប្រិយភាពបំផុតរបស់ក្រុម។ ការមរភាពរបស់គាត់គឺជាតំណឹងកើតឡើងភ្លាមៗ និងធ្វើឲ្យក្លិបមានការភ្ញាក់ផ្អើលខ្លាំងណាស់។ ការបាត់បង់របស់គាត់គឺជាការសោកស្តាយ ព្រោះកីឡាករទាំងអស់មានសេចក្តីរីករាយពេលដែលបានស្គាល់គាត់ និងមកចូលរួមជាមួយក្រុម ។
កីឡាករ Mbulu បានចំណាយពេលមួយរដូវកាលជាមួយក្លិបMotherwell បន្ទាប់ពីបានផ្លាស់ពី Millwall ក្នុងឆ្នាំ២០១៨ និងបានបង្ហាញខ្លួនលីកចំនួន៦ដង ។ គាត់បានបង្ហាញខ្លួនចំនួន៧ដងសម្រាប់ក្លិបCrewe បន្ទាប់ពីបានចុះហត្ថលេខាលើកិច្ចព្រមព្រៀងរយៈពេលខ្លីមួយនៅក្នុងខែតុលា និងបានចុះកុងត្រាជាមួយមិត្តរួមក្រុម Morecambe ក្នុងលីកទី២ របស់អង់គ្លេសនៅខែមករារហូតដល់ចុងបញ្ចប់នៃរដូវកាលនេះដោយបង្ហាញខ្លួន៣ដង។
លោក Jim McMahon ប្រធានក្លិប Motherwell បានមានប្រសាសន៍ថា“យើងមានការភ្ញាក់ផ្អើលជាខ្លាំងនៅពេលបានឮដំណឹងនៃការស្លាប់របស់គាត់។ គាត់គឺជាយុវជនវ័យក្មេងដែលរួសរាយរាក់ទាក់និងរីករាយដែលយើងស្រឡាញ់រាប់អាន ។
ក្លិប Crewe ក៏បានសម្តែងការសោកស្តាយថា Mbulu យើងសោកស្តាយយ៉ាងខ្លាំង ព្រោះគាត់គឺជាមនុស្សកំពូលម្នាក់ដែលមានស្នេហាពិតចំពោះការប្រកួត និងកីឡា ៕ដោយ៖ភារៈ
