សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់ត្រូវកម្លាំងសមត្ថកិច្ចឃាត់ខ្លួនករណីពួកគេនាំគ្នាជួញដូរគ្រឿងញៀន។ ការឃាត់ខ្លួនជនសង្ស័យខាងលើកាលពីវេលាម៉ោង១៦៖០០នាទីល្ងាចថ្ងៃទី១៦ ខែមិថុនា ឆ្នាំ២០២០ នៅចំណុចតាមផ្លូវបេតុង ភូមិបុរីកម្មករ សង្កាត់ទឹកថ្លា ខណ្ឌសែនសុខ ។
នគរបាលប៉ុស្តិ៍ទឹកថ្លាបានឲ្យដឹងថា៖ ជនសង្ស័យ០២នាក់នោះទី១មានឈ្មោះ លាង ស៊ីណែត ភេទប្រុស អាយុ២៩ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ភូមិត្រពាំងឈូក សង្កាត់អូរបែកក្អម ខណ្ឌសែនសុខនឹងទី២មានឈ្មោះ យ៉ា តូ ភេទប្រុស អាយុ២៨ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល សង្កាត់កាកាប២ ខណ្ឌពោធិ៍សែនជ័យ។
ក្នុងនោះសមត្ថកិច្ចដកហូតបាន(ក្រាមសថ្លា០៣កូនថង់តូច) ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕ដោយ៖ ចន្ទ លីហ្សា
