សារព័ត៌មាន នគរវត្ត តែងតែនាំមុខគេជានិច្ច
កំពង់ឆ្នាំង ៖ មនុស្សពីរនាក់បានស្លាប់ភ្លាមៗនៅនឹងកន្លែងកើតហេតុ ក្នុងឧប្បត្តិហេតុគ្រោះថ្នាក់ចរាចរណ៍មួយដែលបង្ករឡើងដោយ រថយន្តនិងម៉ូតូបុកគ្នាពេញមួយទំហឹង ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២១៖៣០នាទីយប់ ថ្ងៃទី១៦ ខែមិថុនា ឆ្នាំ២០២០ នៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ (88-87) ស្ថិតនៅចំណុចធានាគារ(A,M,K) ស្ថិតក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង។
សមត្ថកិច្ចបានអោយដឹងថា ជនរងគ្រោះនៅក្នុងឧប្បត្តិហេតុនេះ ម្នាក់ឈ្មោះលឹម ប្រុស ភេទប្រុស អាយុ២៩ឆ្នាំ និងម្នាក់ទៀត ឈ្មោះអ៊ុក សារីម ភេទស្រី អាយុ៣៧ឆ្នាំ ជនរងគ្រោះទាំងពីរនាក់រស់នៅក្នុងភូមិបួរ ឃុំព្រៃរំដេង ស្រុកគិរីវង្ស ខេត្តតាកែវ ។
សមត្ថកិច្ចបានអោយដឹងថា នៅមុនពេលកើតហេតុជនរងគ្រោះបានជិះម៉ូតូ ហុងដា គុបជ្រុង ពណ៌ទឹកប៊ិចចាស់ ពាក់
ស្លាកលេខភ្នំពេញ១z- ០០២៩ ជិះឌុបគ្នា ក្នុងទិសដៅពីជើងទៅត្បូង នៅពេលជិះមកដល់ចំណុចកើតហេតុ ស្រាប់តែមានរថយន្តកូរ៉េដឹកទំនិញមួយគ្រឿង ពណ៌ខៀវ ពាក់ស្លាកលេខ ភ្នំពេញ ៣C-២៧៩៥ បើកយ៉ាងលឿន ក្នុងដំណើរច្រាស់ទិសគ្នា បានបុកម៉ូតូជនរងគ្រោះពេញមួយទំហឹង បណ្តាលអោយជនរងគ្រោះបានប៉ើងខ្ទាតចេញពីម៉ូតូស្លាប់ ភ្លាមៗនៅកន្លែងកើតហេតុ តែម្តង ក្រោយពេលកើតហេតុក្រឡាប់ អ្នកបើកបររថយន្ត បានចុះពីរថយន្តបានរត់គេចខ្លួនបាត់ស្រមោលតែម្តង ។
សពជនរងគ្រោះត្រូវបានសមត្ថកិច្ចយកទៅតម្កល់ទុកនៅ វត្ត ខ្សាម ដើម្បីរង់ចាំក្រុមគ្រួសារ មកទទួលធ្វើពិធីបុណ្យ តាមប្រពៃណី នៅស្រុកកំណើត ។ដោយ៖ចន្ថា
