សារព័ត៌មាន នគរវត្ត តែងតែនាំមុខគេជានិច្ច
នៅថ្ងៃទី២៤ ខែមិថុនា នេះ ពលរដ្ឋម៉ុងហ្គោលីបានចាប់ផ្តើមទៅបោះឆ្នោតដើម្បីជ្រើសរើសតំណាងរាស្ត្រអាណត្តិថ្មី។
គណៈកម្មាធិការរៀបចំការបោះឆ្នោតម៉ុងហ្គោលី(GEC)បានឲ្យដឹងថា ការបោះឆ្នោតចាប់ផ្តើមនៅវេលាម៉ោង៧ព្រឹក ម៉ោងក្នុងតំបន់និងបញ្ចប់នៅនៅម៉ោង១៥ ថ្ងៃទី២៤ ខែមិថុនា។ មានការិយាល័យបោះឆ្នោតចំនួន២០៧០ នៅទូទាំងប្រទេស ហើយមានគណបក្សនយោបាយចំនួន១៣ចូលរួម និងមានបេក្ខភាពឯករាជ្យចំនន១៣៧រូប។ មានពលរដ្ឋម៉ុងហ្គោលីប្រមាណ២,១លាននាក់មានសិទ្ធិក្នុងការបោះឆ្នោត។
ក្នុងពេលពិភពលោកកំពុងតែឆ្លងរាលដាលកូវីដ-១៩ កាន់តែខ្លាំង ម៉ុងហ្គោលីបានរៀបចំការពារពលរដ្ឋទៅបោះឆ្នោតប្រកបដោយប្រសិទ្ធភាព។ នៅតាមទីតាំងបោះឆ្នោតគឺមានទឹកអាល់កុលលាងដៃ និងឈរឆ្ងាយពីគ្នា ១,៥ម៉ែត្រ។ ក្រៅពីនេះពលរដ្ឋក៏ត្រូវបានត្រួតពិនិត្យកម្តៅផងដែរមុនពេលអនុញ្ញាតឲ្យចូលបន្ទប់បោះឆ្នោត។
ម៉ុងហ្គោលី មានពលរដ្ឋតែ៣លាននាក់ប៉ុណ្ណោះ បានអនុវត្តការរិឹតត្បិតតាំងពីពេលដំបូងនៃការផ្ទុះកូវីដ-១៩។ មកទល់ពេលនេះម៉ុងហ្គោលីមានអ្នកឆ្លងតែ២០០នាក់ប៉ុណ្ណោះហើយមិនមានករណីស្លាប់នោះឡើយ៕ដោយ៖ធី រីណា
