បុរសម្នាក់ជិះម៉ូតូលឿនសង្ស័យស្រវឹងស្រាធ្លាក់ចូលដីស្រែស្លាប់ផ្អើលអ្នកធ្វើដំណើរ

ខេត្តស្វាយរៀង៖ មានការភ្ញាក់ផ្អើលទាំងថ្ងៃត្រង់ដល់អ្នកភូមិនិងអ្នកធ្វើដំណើរខណះប្រទះឃើញបុរសម្នាក់ដេកស្លាប់នៅដីស្រែបន្ទាប់ពីជិះម៉ូតូប្រើប្រាស់ល្បឿនលឿនហើយស្រវឹងស្រាបណ្ដាលអោយរេចង្កូតធ្លាក់ផ្លូវ។

ហេតុការណ៍នេះបានកើតឡើងកាលពីថ្ងៃព្រហស្សត្តិ៍០៥កើតខែអាសាឍឆ្នាំជូត ទោស័ក ព.ស២៥៦៤ត្រូវនឹងថ្ងៃទី ២៥ខែ មិថុនាឆ្នាំ​២០២០ វេលាម៉ោង១២៖៥០នាទីថ្ងៃត្រង់លើផ្លូវ3SVR7ស្ថិតនៅភូមិទួលស្តី ឃុំទួលស្តី ស្រុកចន្រ្ទា ខេត្តស្វាយរៀង។

យោងតាមសមត្ថកិច្ចនគរបាលស្រុកបានឲ្យដឹងថាបុរសរងគ្រោះមានឈ្មោះសួស រតនៈ អាយុ២៧ឆ្នាំ មុខរបរកសិករ មានទីលំនៅបច្ចុប្បន្នភូមិកោះឬស្សី ឃុំទួលស្តី ស្រុកចន្រ្ទា ខេត្តស្វាយរៀង។

ចំណែកម៉ូតូម៉ាកយ៉ាម៉ាហាស៊ីរូសពណ៌ខ្មៅគ្មានស្លាកលេខខូចខាតទាំងស្រុង។

តាមអ្នកភូមិបានឲ្យដឹងថាមុនកើតហេតុមានបុរសម្នាក់បានជិះម៉ូតូមួយគ្រឿងមិនពាក់មួកសុវត្តិភាពគ្មានកញ្ចក់មើលក្រោយទិសដៅពីជើងមកត្បូងប្រើប្រាស់ល្បឿនលឿនសង្ស័យស្រវឹងស្រាស្រាប់តែរេចង្កូតធ្លាក់ស្រែបង្កការភ្ញាក់ផ្អើលតែម្ដង។

ក្រោយមកសមត្ថកិច្ចមូលដ្ឋានមកដល់ធ្វើកំណត់ហេតុរួចបានប្រគល់សពជូនក្រុមគ្រួសារមកទទួលទៅធ្វើបុណ្យតាមប្រពៃណី៕ យឹម សុថាន